ខេត្តកណ្តាលៈ នាយទាហានមួយរូបបានស្លាប់ភ្លាមៗនៅកន្លែងកើតហេតុក្នុងករណីគ្រោះថ្នាក់ចរាចរណ៍បើកម៉ូតូ(ដួលខ្លួនឯង) កាលពីវេលាម៉ោង ០១នឹង១០នាទីរំលងអាធ្រាត្រឈានចូល ថ្ងៃទី១០ ខែមេសា ឆ្នាំ២០១៦ត្រង់ចំណុចមុខផ្ទះ លោក កែវ រ័ត្ន លើផ្លូវជាតិលេខ២ ស្ថិតក្នុងភូមិតាក្តុលត្បូង សង្កាត់តាក្តុល ក្រុងតាខ្មៅ ខេត្តកណ្តាល។
ម៉ូតូជនរងគ្រោះម៉ាកCiti 100 ពណ៍ក្រហម(មានកញ្ចក់តែគ្មានមួកសុវត្ថិភាព) ពាក់ស្លាកលេខ ស្វាយរៀង 1C-7785 ដោយជនរងគ្រោះជាអ្នកបើកបរខ្លួនឯងឈ្មោះអ៊ុង សាម៉ន ភេទប្រុស អាយុ៥១ឆ្នាំ(ស្លាប់) មុខរបរយោធា នៅអង្គភាពយោធភូមិភាគពិសេស មានទីលំនៅក្នុងភូមិព្រែករាំង សង្កាត់កំពង់សំណាញ់ ក្រុងតាខ្មៅ បានបើកបរក្នុងទិសដៅពីជើងទៅត្បូងមកដល់ចំណុចខាងលើបានដួលដោយខ្លួនឯងបណ្តាលអោយបោកក្បាលស្លាប់នៅនឹងកន្លែងកើតហេតុ។ បន្ទាប់ពីកើតហេតុមធ្យោបាយនឹងសពត្រូវបានក្រុមគ្រួសារមកទទួលយកទៅធ្វើបុណ្យតាមប្រពៃណី៕
នាយទាហានម្នាក់បានស្លាប់ដោយជិះម៉ូតូដួលខ្លួនឯងបោកក្បាលផ្ទប់ទៅនឹងថ្នល់ នារំលងអាធ្រាត្រនៅក្រុងតាខ្មៅ
...