នៅក្នុងសៀវភៅឯកសារនិយាយអំពី ការកាន់អំណាចរយៈពេល១៥ឆ្នាំរបស់ លោកពូទីន ដោយលោកបានសរសេរថា “យើងចង់មើលឃើញការខិតខំជាប្រវត្ដិសា្តស្ដ្ររបស់រុស្ស៊ី។ បណ្ដាប្រទេសលោក ខាងលិចបានអនុវត្ដគោលនយោបាយ រារាំងរុស្ស៊ីពង្រីកអំណាចបានកើតមាន តាំងពីច្រើនទសវត្សរ៍កន្លងមក មិនមែន កើតឡើងនៅពេលនេះឡើយ ។ សកម្មភាពលោកខាងលិចចង់ឱ្យរុស្ស៊ីក្លាយជា អ្នកដើរសុំទាន ទើបអស់ចិត្ដ” ។
នៅក្នុងកំណត់ហេតុរបស់លោកពូទីន ស្ដីពីការកាន់អំណាចរយៈពេល១៥ឆ្នាំ បានផ្សព្វផ្សាយតាមកញ្ចក់ទូរទស្សន៍ ក្នុងនោះលោកពូទីនបានបញ្ជាក់ថា លោកមិនមានការសោកស្ដាយដែលត្រូវដាក់ បញ្ចូលគ្រីមៀរក្នុងដែនអធិបតេយ្យរុស្ស៊ី នោះឡើយ ដោយសារតែគ្រីមៀរជាផ្នែក មួយនៃប្រវត្ដិសាស្ដ្ររបស់រុស្ស៊ី ។ លោក ពូទីន បញ្ជាក់ថា “ខ្ញុំគិតថា យើងកំពុង តែធ្វើរឿងរ៉ាវដ៏ត្រឹមត្រូវហើយយើងមិន បានសោកស្ដាយពីរឿងរ៉ាវទាំងនោះទេ”។
លោកពូទីន បានកាន់តំណែងប្រធានាធិបតីចាប់តាំងពីឆ្នាំ២០០០ដល់ឆ្នាំ ២០០៨ ក្រោយមកលោកក៏បានកាន់ តំណែងជានាយករដ្ឋមន្ដ្រីអស់១អាណត្ដិ ដល់ឆ្នាំ២០១២ លោកក៏បានឡើងកាន់ តំណែងជាប្រធានាធិបតីវិញដោយមាន ការបោះឆ្នោតគាំទ្រពីពលរដ្ឋរុស្ស៊ី ។ លោកពូទីន បានប្រកាសថា លោកនឹង ការពារផលប្រយោជន៍រុស្ស៊ីដល់ទីបញ្ចប់ មិនអនុញ្ញាតឱ្យលោកខាងលិចបំផ្លាញ តាមតែចិត្ដនោះឡើយ ។
ប្រធានាធិបតីពូទីន បានថ្កោលទោស យ៉ាងខ្លាំងដល់មេដឹកនាំលោកខាងលិច ក៏ដូចសហគមន៍អឺរ៉ុបដែលបានអនុម័ត ដាក់ទណ្ឌកម្មប្រទេសរុស្ស៊ីដោយសារតែ ហេតុផលប្រវត្ដិសាស្ដ្រ ផលប្រយោជន៍ ផ្ទាល់ខ្លួន ។ គោលបំណងរបស់លោក ខាងលិចគឺមានតែមួយគត់បង្ខំឱ្យរុស្ស៊ី ក្លាយទៅជាអ្នកសុំទាន ទើបអាមេរិក និង លោកខាងលិចអស់ចិត្ដ ។
ប៉ុន្ដែមេដឹកនាំរុស្ស៊ីបានបង្ហាញពី គោលជំហររបស់ខ្លួនថា រុស្ស៊ីនឹងមិន ធ្លាក់ដល់ដំណាក់កាលនោះឡើយ បើទោះ បីទទួលរងការដាក់ទណ្ឌកម្មពីលោកខាងលិចក៏ដោយ ។ រុស្ស៊ីមានសមត្ថភាព គ្រប់គ្រាន់ក្នុងការធ្វើឱ្យខ្លួនក្លាយទៅជា ប្រទេសមហាអំណាចមួយ ជាប្រទេស ដែលប្រទេសជិតខាងអាចពឹងពាក់បាន។
ប្រធានា ធិបតីពូទីន បានប្រកាសឱ្យដឹងថា ការ ដាក់ទណ្ឌកម្មរបស់ប្រទេសលោកខាង លិចមកលើរុស្ស៊ីបានធ្វើឱ្យប្រទេសរបស់ លោកខាតបង់ទឹកប្រាក់១៦០ពាន់លាន ដុល្លារ ប៉ុន្ដែបណ្ដាក្រុមហ៊ុនរុស្ស៊ីទទួល បានជោគជ័យនៅក្នុងការសងបំណុល បរទេស ហើយក្រុមហ៊ុនមិនធ្លាក់ចូល ក្នុងដំណាក់កាលក្ស័យធននោះឡើយ ។
លោកពូទីនបញ្ជាក់ទៀតថា “ជាការ ពិតណាស់ ប្រទេសលោកខាងលិចបាន ប៉ុនប៉ងចង់ឱ្យសេដ្ឋកិច្ចរុស្ស៊ីដួលរលំ ប៉ុន្ដែវាមិនមែនជារឿងងាយស្រួលនោះ ឡើយ រុស្ស៊ីមានលទ្ធភាព និងសមត្ថភាពគ្រប់គ្រាន់ក្នុងការឆ្លងកាត់ដំណាក់កាលលំបាកបំផុតបានយ៉ាងងាយស្រួល។
កន្លងមក នាយករដ្ឋមន្ដ្រីរុស្ស៊ី លោក ដេមេទ្រី ម៉េដវ៉ាឌីវ ក៏បានបញ្ជាក់ផង ដែរថា វិធីសាស្ដ្រដាក់ទណ្ឌកម្មមកលើ រុស្ស៊ីដោយសារតែការដាក់បញ្ចូលតំបន់ គ្រីមៀរនោះ មិនធ្វើឱ្យរុស្ស៊ីធ្លាក់ក្នុង ដំណាក់កាលលំបាកបំផុតឡើយ បើទោះ បីសេដ្ឋកិច្ចរុស្ស៊ីពិតជាបានធ្លាក់ចុះជាង កាលពីមុនក្ដី ។ តាមការសន្និដ្ឋានរបស់ លោកម៉េដវ៉ាឌីវ សេដ្ឋកិច្ចរុស្ស៊ីនៅក្នុង ឆ្នាំ២០១៥នឹងមានការធ្លាក់ចុះជាងឆ្នាំ ២០១៤ ។
ក្រុមអ្នកវិភាគជឿជាក់ថា បើទោះបី លោកខាងលិចខិតខំធ្វើឱ្យរុស្ស៊ីដួលរលំ តាមរយៈការដាក់ទណ្ឌកម្មសេដ្ឋកិច្ចនោះ មិនមែនជារឿងងាយស្រួលនោះឡើយ ។ រុស្ស៊ីមានជំហររឹងមាំ មានទំនាក់ទំនង យ៉ាងប្រសើរជាមួយប្រទេសដទៃទៀត ពិសេសគឺបណ្ដាប្រទេសនៅតំបន់អាស៊ីប៉ាស៊ីហ្វិកដែលជាតំបន់មាន សក្ដានុពល ខ្លាំងបំផុត ទាំងវិស័យនយោបាយ និង សេដ្ឋកិច្ច ។ នៅពេលអនាគត សេដ្ឋកិច្ច ពិភពលោកនឹងផ្ដោតសំខាន់មកតំបន់ អាស៊ីប៉ាស៊ីហ្វិក ហើយតំបន់នេះមាន ពលរដ្ឋដល់ទៅជិត៧០ភាគរយក្នុង ចំណោមពលរដ្ឋរស់នៅលើភពផែនដី បានរស់នៅតំបន់អាស៊ីប៉ាស៊ីហ្វិក ។
សកម្មភាពរបស់រុស្ស៊ីពីការចង សម្ពន្ធមិត្ដជាមួយប្រទេសជិតខាងតាម រយៈខួបគម្រប់៧០ឆ្នាំថ្ងៃឯករាជ្យ ហើយ ប្រធានាធិបតីពូទីន បានអញ្ជើញមេដឹក នាំសំខាន់ៗនៅជុំវិញពិភពលោក។ ប្រធា នាធិបតីអាមេរិក នាយករដ្ឋមន្ដ្រីជប៉ុន និងមេដឹកនាំមួយចំនួនជាសម្ពន្ធមិត្ដ របស់អាមេរិកបានប្រកាសមិនទៅចូល រួមនោះឡើយ ដោយបញ្ជូនតំណាងទៅ តែប៉ុណ្ណោះ ។ ចំណែកមេដឹកនាំដែលជា មិត្ដជិតស្និទ្ធរបស់រុស្ស៊ីដូចជាចិន កូរ៉េ ខាងជើងបានប្រកាសថា នឹងទៅចូលរួម ពិធីដ៏សំខាន់នោះ ។
រយៈពេលជាច្រើនទសវត្សរ៍កន្លងមក ចាប់តាំងពីអតីតសហភាពសូវៀត អាមេរិក និងលោកខាងលិចតែងតែ ព្រួយបារម្ភខ្លាចរុស្ស៊ីដណ្ដើមតំណែង មហាអំណាចពីអាមេរិកមកគ្រប់គ្រង ។ ទាំងនោះហើយបានជាអាមេរិកខិតខំរិះរក គ្រប់វិធីសាស្ដ្រសម្រាប់ផ្ដួលរំលំសត្រូវ របស់ខ្លួនកុំឱ្យងើបមកតដៃរួច ។
ទាំងនោះហើយបានជាមេដឹកនាំរុស្ស៊ី លោកវ្ល៉ាឌីមៀរ ពូទីន បានប្រកាសថា លោកខាងលិចចង់បំផ្លាញរុស្ស៊ីដល់ពេល ណាទើបបញ្ចប់ ឬមួយបំផ្លាញរហូតដល់ មេដឹកនាំរុស្ស៊ីក្លាយជាអ្នកដើរសុំទាន សុំ ជំនួយពីអាមេរិក ទើបស្កប់ស្កល់? ការ គិតគូរបែបនេះ ជារឿងមួយខុសឆ្គងទាំង ស្រុង ដោយរុស្ស៊ីមិនអាចធ្លាក់ចូលក្នុង ដំណាក់កាលនោះឡើយ បើទោះបីលោក ខាងលិចឡោមព័ទ្ធសេដ្ឋកិច្ចរុស្ស៊ីក្ដី ។
កន្លងមកថ្មីៗ អ្នកឯកទេសវិភាគ នយោបាយពិភពលោកបានលើកឡើង ថា ជាមួយនឹងការរីកចម្រើនលើវិស័យ យោធាសព្វាវុធ ក៏ដូចជាសេដ្ឋកិច្ច ព្រម ទាំងកិច្ចសហប្រតិបត្ដិការគ្នាយ៉ាងល្អិត ល្អន់រវាងរុស្ស៊ី នឹងចិននៅពេលអនាគត អំឡុងឆ្នាំ២០៥០ ចិននិងរុស្ស៊ីអាចក្លាយ ទៅជាប្រទេសមហាអំណាចទី១ និងទី២ នៅលើពិភពលោក ។ ទាំងនោះហើយ បានជាអាមេរិកឡោមព័ទ្ធរុស្ស៊ីតាមរយៈ ការដាក់ទណ្ឌកម្មសេដ្ឋកិច្ច ។ ចំណែក ចិន អាមេរិកបានឡោមព័ទ្ធការពង្រីក អំណាចយោធានៅក្នុងតំបន់អាស៊ីប៉ា ស៊ីហ្វិក ។ ទាំងនោះបានជាអាមេរិក អនុវត្ដនយោបាយឆ្ពោះមកកាន់អាស៊ី ប៉ាស៊ីហ្វិក ហើយបានបញ្ជូននាវាចម្បាំង យន្ដហោះចម្បាំងដល់ទៅជាង៦០ភាគ រយមកកាន់ទីនេះក្នុងគោលដៅទប់ទល់ ជាមួយចិន ៕
ដោយ មែវ សាធី
