ខេត្តកណ្តាល៖ ជនរងគ្រោះ២នាក់បានស្លាប់ និង៤នាក់ទៀតរងរបួស ក្នុងករណីគ្រោះថ្នាក់ចរាចរណ៏ កាលពីវេលាង៣ និង៤០នាទីរសៀលថ្ងៃទី១៤ ខែមេសា ឆ្នាំ២០១៦ នៅចំណុចលើស្ពាន(មិត្តភាពកម្ពុជា- ចិន)ភូមិព្រែកតាមាក់ ឃុំព្រែកតាមាក់ ស្រុកខ្សាច់កណ្ដាល ខេត្តកណ្ដាល។
គ្រោះថ្នាក់ចរាចរណ៍នេះបង្កឡើងដោយរថយន្តម៉ាក Montero ពណ៌ទឹកប៊ិច ពាក់ស្លាកលេខភ្នំពេញ 2C-7240 អ្នកបើកបរមិនស្គាល់អត្តសញ្ញាណ(គេចខ្លួន)បានបើកបរក្នុងទិសដៅពីកើតទៅលិច បានបុករះម៉ូតូចំនួន៣គ្រឿង: ទី១-ម៉ាកហុងដាឌ្រីម សេ១២៥ ពណ៌ខ្មៅ ពាក់ស្លាកលេខភ្នំពេញ 1FI-0814បើកបរដោយឈ្មោះ ឈៀក វណ្ណះ ភេទប្រុស អាយុ២៧ឆ្នាំនៅភូមិ ឃុំកោះចូរ៉ាម ស្រុកខ្សាច់កណ្ដាល ខេត្តកណ្ដាល បើកបរក្នុងទិសដៅពីលិចទៅកើតហើយបុកម៉ូតូម៉ាកហុងដាMsx ពណ៌ស-ខ្មៅ ពាក់ស្លាកលេខ ភ្នំពេញ 1FB-1966 បើកបរដោយមិនស្គាល់ឈ្មោះ ស្លាប់និងអ្នករួមដំណើម្នាក់សន្លប់ រួចហើយរថយន្តខាងលើបានបុកម៉ូតូម៉ាក ហុងដាឌ្រីម សេ១២៥ ពណ៌ខ្មៅ ពាក់ស្លាកលេខ ភ្នំពេញ1U-7737 ។
ហេតុការណ៍ដ៏រន្ធត់នេះមានជនរងគ្រោះ០៦នាក់ ក្នុងនោះមនុស្ស២នាក់បានស្លាប់ និងរបួស៤នាក់ត្រូវបានសមត្ថកិច្ចជួយអន្តរាគមន៍ហៅរថយន្តសាមុយដឹកយកទៅមន្ទីរពេទ្យ ។
សមត្ថកិច្ចបានបញ្ជាក់ថា ជនរងគ្រោះរួមមាន ទី១ឈ្មោះ សា រី ភេទ ប្រុស អាយ៤០ឆ្នាំ នៅភូមិ ព្រែកតាល្ពៅ ឃុំដើមមាន ក្រុងតាខ្មៅបានស្លាប់ រួមដំណើ២នាក់ ឈ្មោះម៉ាត់ ណំ ភេទស្រី អាយុ៥៦ឆ្នាំ និងឈ្មោះ អេ រ៉ូហ្សា៌អាយុ២០ឆ្នាំនៅភូមិជាមួយគ្នា
និងទី២ឈ្មោះយី ខាវ ភេទប្រុសអាយុ២០ឆ្នាំនៅភូមិតាព្រែកតាបេះឃុំព្រែកតាបេះ ស្រុកស្រីសន្ធរ ខេត្តកំពង់ចាមស្លាប់ រួមដំណើរ១នាក់ ។ ចំណែកវត្ថុតាងយកមករក្សាទុកនៅអធិការនគរបាលស្រុក ៕
ដោយ៖ ស្អាងជ័យ
