ភ្នំពេញ ៈ នៅរសៀលថ្ងៃទី១៩ ខែមេសា ឆ្នាំ២០១៦នេះ គណៈបញ្ជាការឯកភាពរដ្ឋបាលខណ្ឌដង្កោក្រោមការបញ្ជាផ្ទាល់ពីលោក នុត ពុធដារ៉ា អភិបាលខណ្ឌដង្កោបានចុះបង្ក្រាបទីតាំងកត់កន្ទុយលេខដុះស្លែមួយកន្លែង ស្ថិតក្នុងភូមិបុរីកម្មករ សង្កាត់ជើងឯក ខណ្ឌដង្កោ ។
សមត្ថកិច្ចមូលដ្ឋានបានអោយដឹងថា ក្នុងប្រតិបត្តិការបង្ក្រាបទីតាំងកត់ឆ្នោតខាងលើកនេះ សមត្ថកិច្ចបានឃាត់ខ្លួនមនុស្សចំនួន០៣នាក់នឹងដកហូតបានក្រដាសកត់កន្ទុយលេខជាច្រើន នឹងសម្ភារៈឧបករណ៍ប្រើប្រាស់កត់កន្ទុយលេខ សេរីលេខឆ្នោតរួមជាមួយ នឹងថវិកាមួយចំនួនផងដែរ ។ ក្រោយធ្វើការឃាត់ខ្លួនរួចសមត្ថកិច្ចបាន បញ្ជូនខ្លួនមេឆ្នោតទៅអធិការដ្ឋាននគរបាលខណ្ឌដើម្បីកសាងសំណុំរឿងបញ្ជូនទៅតុលាការ៕
ដោយ៖ជីម ភារ៉ា ដង្កោ
...
