ភ្នំពេញ៖ បុរសម្នាក់បានយកក្រមាចងកធ្វើអត្តឃាតរហូតបានសម្រេច ដោយគ្មាននរណាម្នាក់បានឃើញនិងជួយទាន់ពេលវេលានោះឡើយ។ ហេតុការណ៍ភ្ញាក់ផ្អើលបានកើតឡើងកាលពីវេលាម៉ោង១និង៣០នាទីរសៀល ថ្ងៃទី២២ ខែកក្កដា ឆ្នាំ២០១៥ ស្ថិតនៅផ្ទះលេខ១៦៤ ភូមិ៦ សង្កាត់អូរឫស្សី៣ ខណ្ឌ៧មករា រាជធានីភ្នំពេញ ។ សមត្ថកិច្ចមូលដ្ឋានដែលចុះពិនិត្យដល់កន្លែងកើតហេតុបានបញ្ជាក់ថា បុរសរងគ្រោះឈ្មោះ ប៉ៃ តុលា អាយុ៣៤ឆ្នាំ ស្រុកកំណើតនៅខេត្តកំពត។ មុនពេលកើតហេតុ បុរសរងគ្រោះបានមកលេងផ្ទះសាច់ញាតិនៅកន្លែងកើតហេតុ ហើយមិនដឹងយ៉ាងម៉េច ស្រាប់តែចងកធ្វើអត្តឃាតតែម្តង ។ ប្រភពពីកន្លែងកើតហេតុបានបញ្ជាក់ថា ជនសង្ស័យជាមនុស្សបែកថ្នាំ ។ កាលពីវេលាព្រឹកថ្ងៃទី២២ ខែកក្កដា បុរសរូបនេះបានព្យាយាមលោតពីផ្ទះសម្លាប់ខ្លួនម្តងហើយ ប៉ុន្តែត្រូវគេចាប់ទាន់ លុះនៅវេលាកើតហេតុ បុរសនេះក៏លបយកក្រមាទៅចងកសម្លាប់ខ្លួនតែម្តង គ្មាននរណាម្នាក់បានឃើញ និងជួយទាន់ពេលនោះទេ ៕ ស រស្មី
