ខេត្តឧត្តរមានជ័យ៖ កាលពីរសៀលថ្ងៃទី១៩ ខែមេសា ឆ្នាំ២០១៦ សាខាកាកបាទក្រហមកម្ពុជា ខេត្តឧត្តរមានជ័យ ដឹកនាំដោយ ប្រធានកិត្តិយសសាខា បានអញ្ជើញចូលរួមផ្តល់អំណោយមនុស្សធម៌ ដល់ប្រជាពលរដ្ឋ៤៨គ្រួសារ ដែលរងគ្រោះដោយសារខ្យល់កន្ត្រាក់ កាលពីល្ងាចថ្ងៃទី១៨ ខែមេសា ឆ្នាំ២០១៦ នៅស្រុកត្រពាំងប្រាសាទ ខេត្តឧត្តរមានជ័យ ។

ប្រធានកិត្តិយសសាខា បាននាំយកនូវប្រសាសន៍ផ្តាំផ្ញើសួរសុខទុក្ខ ពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលសម្តេចប្រធាន តែងតែយកចិត្តទុកដាក់គិតគូរ ពីប្រជាពលរដ្ឋគ្រប់ទីកន្លែង ។

អំណោយដែលបានផ្តល់ជូនក្នុងមួយគ្រួសារទទួលបាន ៖ សម្ភារប្រើប្រាស់ គ្រឿងឧបភោគបរិភោគ និងថវិកាមួយចំនួន ៕​

ដោយ​៖ សុខ​ ខេមរា