ខេត្តពោធិ៍សាត់៖ ប្រភពពត៌មានពីប្រជានេសាទផ្ទះផែបណ្ដែតទឹកលើផ្ទៃបឹងទន្លេសាប ស្ថិតក្នុងភូមិកោះក្អែក ឃុំរាំងទិល ស្រុកកណ្ដៀង ខេត្តពោធិយសាត់រាយការណ៏មកថាៈ មានជន១ក្រុមឃុបឃិតគ្នាកាប់ដុតបំផ្លាញព្រៃលិចទឹក ដែលគេសង្ស័យថាការកាប់ដុតនេះសម្រាប់បំរ៉ុងទុកជាកន្លងបទល្មើសនេសាទ ប្រភេទឧបករណ៏រួមផ្សំហៅ(ប)ហើយមានការអនុញាតិពីមន្រ្តីជំនាញពាក់ព័ន្ធទើបធ្វើទៅបាន។
ប្រភពខាងលើបន្តថាៈ ទីតាំងដែលក្រុមទាំងនោះកំពុងធ្វើសកម្មភាពសព្វថ្ងៃនេះ នៅចំណុចផ្លូវកាត់ភូមិកោះក្អែក(ក្រឡុកក្ដាន់) ស្ថិតក្នុងភូមិកោះក្អែក ឃុំរាំងទិល ស្រុកកណ្ដៀង ខេត្តពោធិ៍សាត់។ ជនក្រុមទាំងនោះគេស្គាល់ច្បាស់សុទ្ធជាមុខសញ្ញាប្រព្រឹត្តបទល្មើសនេសាទគ្រប់រដូវ ដោយប្រើប្រាស់ឧបករណ៏រួមផ្សំដូចជាសាច់អួន បង្គោលឈើរឺឫស្សី ហៅ(ប) ដែលក្រុមនេះគេដឹងថាមកពីស្រុកជីក្រែង ខេត្តសៀមរាប ហើយការដែលពួកគេធ្វើបែបនេះទៅបាននោះគឺដោយសារមានមេកញ្រ្ចែងជាអ្នកប្រមូលទិញផលនេសាទ ចេញមុខធានារ៉ាប់រងទំនាក់ទំនងជាមួយស្ថាប័នពាក់ព័ន្ធនិងជួយលុយកាក់ទៀតផង ហើយថៅកែនៅពីក្រោយខ្នងនោះឮគេថាឈ្មោះ ពងទា គាត់ជាអ្នកប្រមូលទិញទាំងអស់មិនថាត្រីឫសត្វអ្វីនោះឡើយ ហើយឮគេថាគាត់នៅឯភូមិព្រែកត្របែក ឃុំកញ្ជរ ស្រុកកណ្ដៀង ខត្តពោធិ៍សាត់។ ប្រភពដដែលបន្តទៀតថាការកាប់ដុតបំផ្លាញព្រៃលិចទឹក ដើម្បីបំរ៉ុងបង្កើតបទល្មើសនេសាទខាងលើនេះ មិនមែនមានតែ១ក្រុមនេះទេគឺមានក្រុមផ្សេង១ទៀតកំពុងធ្វើសកម្មភាពរាលថ្ងៃនៅក្បែនោះដែរ។
ពាក់ព័ន្ធករណីក្រុមជនឃុបឃិតគ្នាកាប់ដុតបំផ្លាញព្រៃលិចទឹក ដើម្បីបំរ៉ុងទុកប្រព្រិត្តបទល្មើសផ្សេងមួយទៀតខាងលើនេះលោក ជុំ ពៅ (ជនជាតិវៀតណាម)ស្នាក់នៅភូមិកោះក្អែក ឃុំរាំងទិល ស្រុកកណ្ដៀង ហើយគេយកមកបន្តុបធ្វើជាប្រធានសហគមន៍នេសាទភូមិកោះក្អែកនោះ បានប្រាប់ នគរដ្រេហ្គន តាមទូស័ព្ទនៅរសៀលថ្ងៃទី២០ ខែមេសានេះថាបញ្ហាហ្នឹងលោកមិនដឹងទេតែសន្យាថានិងស្រាវជ្រាវ ដោយឡែកលោក ភុន វណ្ណា នាយសង្កាត់រដ្ឋបាលជលផលកណ្ដៀងនិងប្រធានប្រចាំការយាមកាមការពារ(អតីតឡូត៍នេសាទលេខ៦)បានបញ្ជាក់ឲ្យដឹងតាមទូរស័ព្ទដែរថាករណីនឹងនាពេលថ្មីៗនេះមានអ្នករាយការណ៏ប្រាប់ដែរតែលោករវល់ពេក ប៉ុន្តេសន្យាថាខាងស្អែកថ្ងៃទី២២ លោកនិងចុះអនុវត្តរឿងនេះ បើមានការប្រែព្រួលនិងប្រាប់មកវិញ។
ពាក់ព័ន្ធនិងការលើកឡើងអំពីការរិះគនពីសំណាក់ប្រជានេសាទថាករណីខាងលើនេះ មានការជាប់ជំពាក់វាក់វិននិងឈ្មោះពងទានៅពីក្រោយនោះ នគរដ្រេហ្គនយើងមិនអាចស្វែងរក ដើម្បីសុំការពន្យល់បន្ថែមអំពីរឿងរាវនេះបាននោះទេ៕
ដោយៈ ប៉ឹម ពិន
