អ្នករៀបចំព្រឹត្តិការណ៍កីឡាអូឡាំពិកទីក្រុងប៉េកាំងបាននិយាយកាលពីថ្ងៃអាទិត្យ ទី២៣ មករាថា មានអ្នកឆ្លង COVID-19 ចំនួន៧២ករណីក្នុងចំណោមបុគ្គលិកដែលទាក់ទងនឹងព្រឹត្តិការណ៍ខាងលើចំនួន២.៥៨៦ចូលប្រទេសចិនចាប់ពីថ្ងៃទី៤ ដល់ថ្ងៃទី២២ ខែមករា ដោយមិនមានករណីណាមួយក្នុងចំណោមអត្តពលិក និងមន្ត្រីក្រុមចំនួន១៧១នាក់ដែលមកដល់ក្នុងអំឡុងពេលនេះនោះទេ។

ការត្រៀមរៀបចំចុងក្រោយកំពុងធ្វើឡើងសម្រាប់កីឡាអូឡាំពិករដូវរងា ចំពេលមានការកើនឡើងជាសាកលនៅក្នុងករណីឆ្លងវីរុសបំប្លែងថ្មីOmicron កំពុងឆ្លងខ្លាំង។ ការប្រកួតកីឡាអូឡាំពិកគ្រោងនឹងប្រព្រឹត្តទៅចាប់ពីថ្ងៃទី៤ ខែកុម្ភៈ ដល់ថ្ងៃទី២០ ខែកុម្ភៈនៅក្នុងទីក្រុងប៉េកាំង ប្រទេសចិនដែលអាចនឹងមានការរឹតបន្តិចក្នុងព្រឹត្តិការណ៍ទាំងអស់ពីសាធារណជន។អ្នករៀបចំបាននិយាយថា ក្នុងចំណោមករណីដែលឆ្លងនេះ មាន៣៩ករណីត្រូវបានរកឃើញនៅក្នុងការធ្វើតេស្តនៅអាកាសយានដ្ឋាន និង ៣៣ករណីនៅខាងក្នុងការពិនិត្យវិលជុំ។ អ្នកចូលរួមនៅក្នុងការហ្វឹកហាត់គឺស្ថិតនៅក្រោមការធ្វើតេស្តប្រចាំថ្ងៃ ជាមួយនឹងការធ្វើតេស្ត PCR ចំនួន៣៣៦,៤២១ត្រូវបានគ្រប់គ្រងចាប់ពីថ្ងៃទី៤ ខែមករា ដល់ថ្ងៃទី២២ខែមករា។លោក Brian McCloskey ប្រធានក្រុមអ្នកជំនាញផ្នែកវេជ្ជសាស្ត្រសម្រាប់ព្រឹត្តិការណ៍អូឡាំពិកទីក្រុងប៉េកាំងឆ្នាំ២០២២បាននិយាយថា តួលេខនេះគឺស្របទៅនឹងព្រឹត្តិការណ៍កីឡា Tokyo Games កាលពីរដូវក្តៅមុន។ លោកបានប្រាប់ក្នុងសន្និសីទសារព័ត៌មានតាមអ៊ីនធើណិតកាលពីថ្ងៃអាទិត្យថា “យើងមិនដែលកំណត់គោលដៅនៃករណីសូន្យនៅក្នុងព្រឹត្តិការណ៍មួយនោះទេ” ។អ្នកចូលរួមទាំងអស់ត្រូវការលទ្ធផលតេស្ត PCR អវិជ្ជមានចំនួនពីរក្នុងរយៈពេល៩៦ម៉ោងបន្ទាប់ពីការចាកចេញរបស់ពួកគេទៅកាន់ប្រទេសចិន ហើយភាគច្រើនកំពុងធ្វើដំណើរតាមជើងហោះហើរដែលបានរៀបចំជាពិសេស។ កាលពីសប្តាហ៍មុន អ្នករៀបចំកម្មវិធីបាននិយាយថា សំបុត្រចូលទស្សនាកីឡាអូឡាំពិកនឹងមិនត្រូវបានលក់ទៅឱ្យសាធារណជនទូទៅទេដោយសារជំងឺកូវីដ-១៩ ហើយផ្ទុយទៅវិញនឹងត្រូវចែកចាយដល់ក្រុមមនុស្សដែលនឹងត្រូវតម្រូវឱ្យអនុវត្តវិធានការបង្ការយ៉ាងតឹងរ៉ឹងមុន អំឡុងពេល និងក្រោយពេលចូលរួមព្រឹត្តិការណ៍នានា។

សូមបញ្ជាក់ថា ប្រទេសចិនបានគ្រប់គ្រងការរាតត្បាតក្នុងស្រុកនៃ COVID-19 ចាប់តាំងពីបានលេចចេញជាលើកដំបូងនៅក្នុងទីក្រុង Wuhan ហើយបានបិទព្រំដែនរបស់ខ្លួនចំពោះភ្ញៀវអន្តរជាតិ។ កាលពីថ្ងៃអាទិត្យរដ្ឋាភិបាលទីក្រុងប៉េកាំងបានណែនាំវិធានការបន្ថែមទៀតដើម្បីទប់ស្កាត់ COVID-19 បន្ទាប់ពីរកឃើញចំនួន៩ករណីដែលជាករណីឆ្លងក្នុងស្រុក ៕ (រូបភាព ៖ Reuters/CNA)