ភ្នំពេញ៖ នៅព្រឹកថ្ងៃទី២១ ខែមេសា ឆ្នាំ២០១៦ នៅទីស្ដីការក្រសួងអប់រំ យុវជន និងកីឡា លោកបណ្ឌិត ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា ជួបពិភាក្សាការងារជាមួយលោកស្រី Patricia B. Licuanan រដ្ឋមន្ត្រីក្រសួងអប់រំឧត្តមសិក្សា នៃប្រទេសហ្វីលីពីន និងគណៈប្រតិភូ ស្ដីពី កិច្ចសហប្រតិបត្តិការភាពជាដៃគូរវាងប្រទេសទាំងពីរ ដែលផ្តោតសំខាន់លើការអប់រំនៅកម្រិតឧត្តមសិក្សា។

ថ្លែងក្នុងឱកាសនោះ លោករដ្ឋមន្ត្រី បានថ្លែងអំណរគុណដល់រដ្ឋាភិបាលប្រទេសហ្វីលីពីន ដែលតែងតែផ្តល់អាហារូបករណ៍ដល់និស្សិតកម្ពុជា ក្នុងការបន្តការសិក្សារបស់ពួកគាត់ នៅតាមសាកលវិទ្យាល័យជាច្រើនក្នុងប្រទេសហ្វីលីពីន៕

ដោយ៖ សីលា