ភ្នំពេញៈ​ កាលពីព្រឹកថ្ងៃទី ២៥ ខែ មេសា ឆ្នាំ ២០១៦ លោក ពេជ្រ កែវមុនី អភិបាល នៃគណៈអភិបាលខណ្ឌមានជ័យ បានចូលរួមពិធីបើកការដ្ឋានស្ថាបនាផ្លូវមួយខ្សែប្រវែង ១៥០ម៉ែត្រ ទំហំ៧ម៉ែត្រ និងដាក់លូមួយខ្សែប្រវែង១៥០ម៉ត្រែ ទំហំ០,៨ម៉ែត្រ នៅភូមិព្រែកតាគង់ សង្កាត់ចាក់អង្រែលើ ដែលជាគម្រោងរបស់សប្បុរសជន និងសាលាខណ្ឌមានជ័យ ។
ការបើកផ្លូវនេះ គឺបើកចាប់ពីផ្លូវជាតិលេខ២ រហូតទៅដល់ខាងក្រោយភូមិ ដើម្បីជួយសម្រួលដល់ការធ្វើដំណើររបស់បងប្អូនប្រជាពលរដ្ឋ និងបង្ការករណីអគ្គីភ័យកើតឡើង ។ ដោយឡែកចំពោះការដាក់ប្រព័ន្ធលូនៅផ្លូវនេះ គឺដើម្បីដោះទឹកលិចនៅផ្លូវជាតិលេខ២ និងលំនៅដ្ឋានពលរដ្ឋនៅតំបន់នោះ ៕​

សុខ​ ខេមរា