ភ្នំពេញ ៖ ជនម្នាក់ក្នុងចំណោមបក្ខពួក២នាក់ បានត្រូវប្រជាពលរដ្ឋចាប់ប្រគល់ឲ្យសមត្ថកិច្ច ក្រោយពីធ្វើសកម្មភាពលួចកាបូបស្ពាយពីនារីម្នាក់ដាក់នៅលើម៉ូតូ ហើយព្យាយាហើយព្យាយាមជិះម៉ូតូគេចខ្លួនបានទៅបុកពំនូកថ្ម បណ្តាលឲ្យដួលនិងរងរបួស ។ ហហេតុការណ៍នេះបង្កឲ្យមានការភ្ញាក់ផ្អើលឡើងកាលពីម៉ោង១១យប់ថ្ងៃទី១ ខែមីនា ឆ្នាំ២០២២ នៅតាមផ្លូវរថភ្លើង ខាងលិចកន្លែងលក់ងាវត្រឡោកបែក១០០ម៉ែត្រ ក្នុងសង្កាត់ទឹកថ្លា ខណ្ឌសែនសុខ ។
សមត្ថកិច្ចបានឲ្យដឹងថាជនសង្ស័យដែលឃាត់ខ្លួនបានមានឈ្មោះ ចាន់ តារា អាយុ១៧ឆ្នាំ ស្នាក់នៅភូមិជម្ពូវ័ន សង្កាត់ចោមចៅទី៣ ខណ្ឌពោធិ៍សែនជ័យ ។
ប្រភពព័ត៌មានពីប្រជាពលរដ្ឋនៅកន្លែងកើតហេតុបានឲ្យដឹងថា នាងបានជិះម៉ូតូតាមមហាវិថីសហព័ន្ធរុស្ស៊ីពីខាងលិចទៅខាងកើត ។ លុះទៅដល់មុខអគារប៊ូយ៉ុង ក្នុងសង្កាត់ទឹកថ្លា ខណ្ឌសែនសុខ បានឃើញជនសង្ស័យ រួមជាមួយបក្ខពួកម្នាក់ទៀត ជិះម៉ូតូអាយខន ពណ៌ផ្កាឈូក ពាក់ផ្លាកលេខ 1AQ-1096 មកឈបក្បែរម៉ូតូមួយគ្រឿងម៉ាកហុងដា Zoomer x មិនចាំផ្លាកលេខ ។ ពេលនោះ បក្ខពួកជនសង្ស័យដែលអង្គុយខាងក្រោយ បានចុះទៅលួចយករបស់អ្វីម្យ៉ាងពីលើម៉ូតូដែលឈប់ចតស្ងៀមនោះ ។
ភ្លាមៗនោះដែរ សន្តិសុខដែលយាមនៅត្រង់ចំណុច ឃើញក៏ស្រែកថា «ចោរៗ» ធ្វើឲ្យជនសង្ស័យភ័យស្លន់នាំគ្នាជិះម៉ូតូរត់គេចខ្លួន ។ ចចំណែកអ្នកដែលឃើញហេតុការ និងអ្នកធ្វើដំណើរតាមដងផ្លូវដែលបានឃើញ ក៏ជួយដេញតាមជនសង្ស័យផងដែរ ។
ពេលដេញដល់ចំណុចខាងលើ ដោយជនសង្ស័យភ័យស្លន់ស្លោខ្លាំងពេក ក៏បានរេចង្កូតម៉ូតូទៅបុកពំនូកថ្មបណ្តាលឲ្យជនសង្ស័យដែលជាអ្នកបើកម៉ូតូរងរបួសរយះចិញ្ចើម ឯបក្ខពួកដែលអង្គុយខាងក្រោយបានងើបរត់គេចខ្លួនបាត់ស្រមោល។
នៅចំពោះមុខសមត្ថកិច្ច ជនសង្ស័យឆ្លើយថា រូបគេនិងបក្ខពួកបានលួចយកកាបូបស្ពាយដែលនៅលើម៉ូតូZoomer x នោះ ហើយកាបូបដែលលួចបានត្រូវបក្ខពួកដែលអង្គុយខាងក្រោយយករត់គេចខ្លួនបាត់ទៅហើយ ។
បន្ទាប់ពីកើតហេតុ ម្ចាស់កាបូបបានជិះម៉ូតូចេញពីកន្លែងកើតហេតុបាត់ទៅ ដោយមិនបានទៅដាក់ពាក្យបណ្ដឹងអ្វីនោះទេ ហើយក៏មិនបានប្រាប់ថា នៅក្នុងកាបូបនោះមានអ្វីខ្លះដែរ។ ចំណែកឯជនសង្ស័យ ត្រូវបានសមត្ថកិច្ចនាំយកទៅសាងសួរនៅប៉ុស្តិ៍នគរបាលរដ្ឋបាលទឹកថ្លា ដើម្ទៅដើម្បីកសាងសំណុំរឿងចាត់ការបន្តតាមនីតិវិធី ៕
ដោយ៖ ជ្រោយពេជ្រ
