ខេត្តស្វាយរៀង៖ បុរសម្នាក់បានស្លាប់នឹងកន្លែងខណះជួបករណីគ្រោះថ្នាក់ចរាចរណ៏គួរអោយរន្ធត់ដោយជិះម៉ូតូមិនប្រកាន់ស្តាំបុកជាមួយរថយន្តម៉ាកលីចស៊ីសយ៉ាងពេញទំហឹងលាន់សូរដូចរន្ទះបង្ក ការភ្ញាក់ផ្អើលដល់អ្នកភូមិនិងអ្នកធ្វើដំណើរទាំងយប់។

ហេតុការណ៏នេះបានកើតឡើងកាលពីវេលាម៉ោង៧និង១០នាទីយប់
ថ្ងៃទី១០ខែមីនាឆ្នាំ២០២២
លើផ្លូវលេខ៣១៤D ស្ថិតក្នុងភូមិព្រៃរំដួល ឃុំប្រសូត្រ ស្រុកស្វាយទាប ខេត្ត ស្វាយរៀង ។

យោងតាមសមត្ថកិច្ចបានអោយដឹងថាបុរសដែលស្លាប់មានឈ្មោះ
ឃុន វន្នី អាយុ ៤៩ឆ្នាំ មុខរបរ កសិករ រស់នៅភូមិអង្គតាមោក ឃុំប្រសូត្រ ស្រុកស្វាយទាបខេត្តស្វាយរៀង ជិះម៉ូតូម៉ាក ហុងដាសេ១២៥ ស៊េរីឆ្នាំ២០០៩ ពណ៌ខ្មៅ ពាក់ស្លាកលេខ ស្វាយរៀង១A៥៩០៣ខូចខាតខ្ទេចខ្ទីទាំងស្រុង។

ចំណែកអ្នកបើក រថយន្តមិនត្រូវបានស្គាល់ឈ្មោះនោះទេក្រោយពីកើតហេតុបានបើកទ្វាររថយន្តគេចខ្លួនបាត់ស្រមោលតែម្ដងបន្សល់តែរថយន្តម៉ាក
ឡិចស៊ីស 300 ពណ៍ស  ពាក់ស្លាកកលេខ ភ្នំពេញ ២AW០០៣៦។

តាមសាក្សីបានឲ្យដឹងថា មុនពេលកើតហេតុមានបុរសម្នាក់បានជិះម៉ូតូមួយគ្រឿងម៉ាកហុងដាសេ១២៥ ស៊េរីឆ្នាំ២០០៩ ពណ៌ខ្មៅ ពាក់ស្លាកលេខ ស្វាយរៀង១A៥៩០៣លើផ្លូវលេខ៣១៤D ក្នុងទិសដៅពីជើងទៅត្បូង មិនប្រកាន់ស្តាំក៏បុកជាមួយនិងរថយន្តម៉ាកឡិចស៊ីស 300 ពណ៍ស  ពាក់ស្លាកកលេខ ភ្នំពេញ ២AW០០៣៦ក្នុងទិសដៅបញ្ច្រាសគ្នាយ៉ាងពេញទំហឹង
លាន់សូរដូចរន្ទះបង្ក ការភ្ញាក់ផ្អើលដល់អ្នកភូមិនិងអ្នកធ្វើដំណើរទាំងយប់។

មធ្យោយបាយធ្វើដំណើរទាំងពីរគ្រឿងសមត្ថកិច្ចវាស់វែងនិងអូសយកមករក្សាទុកនៅប៉ុស្ដិ៍រដ្ឋបាលឃុំប្រសូត្រនិងបានប្រគល់សពអោយក្រុមគ្រួសារយកមកធ្វើបុណ្យតាមប្រពៃណី៕

ដោយ៖ យឹម សុថាន