ខេត្តពោធិ៍សាត់៖ យោងតាមរបាយការណ៍របស់សមត្ថកិច្ចនគរបាលខេត្តពោធិ៍សាត់ នៅព្រឹកថ្ងៃពុធទី២៣ ខែមីនា ឆ្នាំ២០២២នេះ បានឱ្យដឹងថា រថយន្តមិនស្គាល់ម៉ាកមួយគ្រឿង បានបើកបុក លោកយាយអាយុ៨០ឆ្នាំម្នាក់ បណ្ដាលឱ្យបាត់បង់ជីវិតខណៈដែលរូបគាត់កំពុងដើរលើចិញ្ចើមផ្លូវជាតិលេខ៥។ ក្រោយកេីតហេតុរថយន្តបង្កបានបន្ថែមល្បឿនគេចបាត់ស្រមោល។
របាយការណ៍ដដែល ហេតុការណ៍គ្រោះថ្នាក់ចរាចរណ៍ខាងលេីនេះ បានកេីតឡេីងកាលពីវេលាម៉ោង៧ និង១៥នាទីយប់ថ្ងៃទី២២ ខែមីនា ឆ្នាំ២០២២ម្សិលមិញ ស្ថិតក្នុងភូមិក្តីឈ្នួល ឃុំត្រពាំងជង ស្រុកបាកានខេត្តពោធិ៍សាត់ ។
ជនរងគ្រោះឈ្មោះ ញ៉ែម ផៃ ភេទស្រី អាយុ៨០ឆ្នាំ មានទីលំនៅ នៅទីតាំងកើតហេតុខាងលើ។ បច្ចុប្បន្នសាកសពត្រូវបានសមត្ថកិច្ច ប្រគល់ជូនក្រុមគ្រួសារ ដើម្បីធ្វើបុណ្យតាមប្រពៃណី។
បច្ចុប្បន្នរថយន្តបង្ក និងអ្នកបើកបរ សមត្ថកិច្ចកំពុងស្រាវជ្រាវស្វែងរកម្ចាស់រថយន្តឱ្យចូលខ្លួនដោះស្រាយ និងចាត់ការតាមនីតិវិធីច្បាប់៕ដោយ៖សហការី
