ប្រពភព័ត៌មានពីមន្ត្រីយោធានិងមន្ត្រីការរបរទេសឥណ្ឌាបានឲ្យដឹងថា នៅក្នុងឆ្នាំនេះជប៉ុនក៏នឹងចូលរួមនៅក្នុងការធ្វើសមយុទ្ធរួមជាប្រចាំ ជាមួយឥណ្ឌានិងអាមេរិកនៅមហាសមុទ្រឥណ្ឌាដែលមានឈ្មោះថា Malabarដែលត្រូវធ្វើឡើងនៅខែតុលាឆ្នាំ២០១៥។
តាមប្រភពព័ត៌មានខាងលើ ក្នុងរយៈពេលពីរថ្ងៃគឺថ្ងៃទី២២និង២៣ មន្ត្រីយោធាប្រទេសទាំង៣ឥណ្ឌាអាមេរិកជប៉ុនបានជួបពិភាក្សាគ្នានៅទីតាំងយោធាអាមេរិកក្នុងតំបន់Yokosuka ជិតទីក្រុងតូក្យូដើម្បីឡើងគម្រោងធ្វើសមយុទ្ធខាងលើ។ មន្ត្រីរដ្ឋាភិបាលជប៉ុនមួយរូបបានបញ្ចាក់ថា កិច្ចពិភាក្សាខាងលើរបស់តំណាងកងទ័ពជើងទឹកប្រទេសទាំងបីផ្តោតទៅលើការចូលរួមរបស់ជប៉ុនក្នុងលើកនេះ។
នៅក្នុងកិច្ចប្រជុំនោះដែរមន្ត្រីទាហានប្រទេសទាំង៣នឹងសម្រេចថាត្រូវបញ្ចូននាវាចម្បាំង យន្តហោះចម្បាំងនិងកម្លាំងទាហានប៉ុន្មានពាន់នាក់ចូលរួមក្នុងសមយុទ្ធដែលត្រូវធ្វើឡើងនៅឈូងសមុទ្រ បែនហ្គាលភាគខាងជើងនៃមហាសមុទ្រឥណ្ឌា។ កន្លងមកឥណ្ឌានិងអាមេរិកធ្លាប់បានបញ្ចូននាវាផ្ទុកយន្តហោះនិងនាវាមុជទឹកដើរដោយថាមពលបរមាណូទៅចូលរួមក្នុងសមយុទ្ធទ្វេភាគី។នៅឆ្នាំនេះសមយុទ្ធមិនមានទ្វេភាគីទៀតឡើយគឺត្រីភាគីទៅវិញ។
ក្រុមអ្នកវិភាគបញ្ចាក់ថា ឥណ្ឌាបានពង្រីកទ្រងទ្រាយនៃការធ្វើសមយុទ្ធ Malabar ដោយកន្លងមកធ្វើឡើងតែជាមួយអាមេរិកប៉ុណ្ណោះ។ សកម្មភាពខាងលើបានបង្ហាញយ៉ាងច្បាស់ពីការរិតបន្តឹងទំនាក់ទំនងយោធាក្នុងតំបន់រវាងប្រទេសមហារអំណាចសេដ្ឋកិច្ច យោធាទាំង៣។
ប៉ុន្តេមកទលពេលនេះមិនទាន់មានការសម្រេចចុងក្រោយរបស់រដ្ឋាភិបាលទីក្រុងតូក្យូនៅឡើយ ពីការចូលរួមខាងលើ។ ការចូលរួមរបស់ជប៉ុនមានសារសំខាន់យ៉ាងខ្លំាងនាពេលនេះ ក្នុងពេលដែលជប៉ុនកំពុងតែមានវិវាទដែនអធិបតេយ្យជាមួយប្រទេសចិន៕
