ខេត្តសៀមរាប៖បុរសវ័យកណ្តាលម្នាក់ តូចចិត្តនឹងជម្ងឺប្រចាំកាយជាច្រើនឆ្នាំក៏សម្រេចចិត្តយកខ្សែនីឡុងចងកសម្លាប់ខ្លួន នៅលើផ្ទះបងស្រីខ្លួនឯង ខណៈដែលក្រុមគ្រួសារនិងសាច់ញាតទៅធ្វើស្រែ ។
ហេតុការណ៍ធ្វើឲ្យមានការភ្ញាក់ផ្អើលទាំងព្រឹកនេះ កើតឡើងកាលពីវេលាម៉ោង១០នៅថ្ងៃទី២២ខែឧសភាឆ្នាំ២០១៥ ស្ថិតនៅក្នុងក្រុមទី៣ ភូមិភ្ញាជ័យ សង្កាត់ស្វាយដង្គំ ក្រុងសៀមរាប ។
បងស្រីសពបានប្រាប់ឲ្យដឹងថា ប្អូនប្រុសរបស់គាត់មានឈ្មោះ សូ ចក់ ភេទប្រុសអាយុ៣៦ឆ្នាំមានមុខរបរកម្មករសំណង់ រស់នៅភូមិ សង្កាត់ខាងលើ។ប្រភពពីបងស្រីដដែលបានបន្តថា ប្អូនប្រុសរបស់គាត់បានលេបថ្នាំជម្ងឺសរសៃប្រាសាទជាយូរឆ្នាំមកហើយ ប៉ុន្ដែមិនជាសោះហើយបានព្យាយមាសម្លាប់ខ្លួនជាច្រើនដងមកើ តែមិនបានសម្រេចដោយមានក្រុមគ្រួសារឃើញ និងបានជួយទាន់ប៉ុន្ដែម្ដងនេះ សាច់ញាតិរវល់ចេញទៅធ្វើស្រែ ទើបឆ្លៀតឱកាសសម្លាប់ខ្លួនម្តងទៅ។
បន្ទាប់ពីកើតហេតុរួច កម្លាំងជំនាញក៏បានចុះទៅដល់កន្លែងហេតុរួចធ្វើកោសល្យវិច្ច័ទៅ សមត្ថកិច្ចបានសន្និដ្ឋានថា សាកសពជនរងគ្រោះពិតជាចងករធ្វើអត្តឃាតដោយខ្លួនឯងពិតប្រាកដមែន មិនមែនជារឿងគំនុំឬឃាតកម្មគ្រោងទុកនោះទេ។ បច្ចុប្បន្នសាកសពជនរងគ្រោះត្រូវបានសមត្ថកិច្ចជំនាញប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី៕ ជានិរន្ដរ៍
