ភ្នំពេញ៖ លោកនាយឧត្តមសេនីយ៍ សំ វណ្ណថន អគ្គលេខាធិការ អគ្គលេខាធិការ ដ្ឋានក្រសួងការពារជាតិបានផ្តល់ឱវាទដល់ នាយទាហាន នាយទាហានរងជាកម្មសិក្សា ការីត្រូវមានវិន័យ និងគោរពបទបញ្ជាផ្ទៃក្នុង ពេលម៉ោងឲ្យបានទៀងទាត់ យកចិត្តទុក ដាក់ស្តាប់គ្រូឧទ្ទេសសហការសាមគ្គីទំនាក់ ទំនងល្អជាមួយគ្នា ព្រមទាំងទទួលខុសត្រូវ ក្នុងការរៀនសូត្ររបស់ខ្លួន ។ មានឆន្ទៈក្នុង ការសិក្សាស្វែងរកចំណេះដឹងដាក់ក្នុងខ្លួន ព្យាយាមអំណត់ ពិចារណាក្នុងហេតុផល ចំណុចមេរៀននីមួយៗ ចេះឆ្ងល់សាកសួរ ដើម្បីយល់ច្បាស់ ថែមទាំងកត់ត្រាទុក ចំណុចគោលសំខាន់ៗជាជំនួយក្នុងការ ចងចាំឯកសារសម្រាប់រំលឹកស្រាវជ្រាវ ពេលក្រោយ ។ ឯកសារទាំងអស់មានសារ សំខាន់ណាស់សូមយកទៅអានសិក្សា ស្រាវជ្រាវបន្ថែម ព្រោះឯកសារគឺជាឃ្លាំង នៃចំណេះដឹង ។ ក្នុងនោះគ្រូឧទ្ទេសនិង យោធាចារ្យទាំងគប្បីរិះរកវិធីសាស្ត្របង្រៀន ឲ្យបានល្អធ្វើឲ្យកម្មសិក្សាការីងាយយល់ និងទទួលបានពុទ្ធិថ្មីៗសម្រាប់យកមកអនុ វត្តរួមចំណែកកែលម្អការងាររដ្ឋបាលឲ្យ មានប្រសិទ្ធភាព ជោគជ័យជូនដល់ស្ថាប័ន របស់ខ្លួន ។ នៅបញ្ចប់វគ្គការសិក្សាចំណុច ណាមិនយល់ត្រូវទាក់ទងមកអគ្គលេខាធិការដ្ឋានដើម្បីទទួលការពន្យល់បន្ថែម ។
នេះជាការលើកឡើងរបស់លោកនាយ ឧត្តមសេនីយ៍អគ្គលេខាធិការ អគ្គលេខាធិការដ្ឋានក្រសួងការពារជាតិក្នុងពិធីបើកវគ្គ បំប៉នការងាររដ្ឋបាល(វគ្គពិសេស)២០១៦ -២០១៧នៅក្រសួងការពារជាតិ កាលពី ថ្ងៃទី២ ខែឧសភា ឆ្នាំ២០១៦ នៅសាល ប្រជុំក្រសួងការពារជាតិ ។
ការសិក្សាមានរយៈពេល៩ខែចាប់ពីថ្ងៃ ទី២ ខែឧសភា ដល់ថ្ងៃទី១៩ ខែមករា ឆ្នាំ ២០១៧ មានកម្មសិក្សាការី៣៧៩នាក់ សិក្សា១សប្តាហ៍៣ថ្ងៃគឺថ្ងៃចន្ទ ពុធ សុក្រ។ មុខវិជ្ជាត្រូវសិក្សារួមមាន ទី១-ការចរាចរណ៍លិខិតស្នាម ការ បោះពុម្ភ ការផ្សព្វផ្សាយ ។ ទី២-នីតិរដ្ឋធម្មនុញ្ញ ទី៣-ការចងក្រង និងតាក់តែងលិខិត ស្នាម ទី៤-ការងារតម្កល់ឯកសារ ប័ណ្ណសារ ទី៥-ច្បាប់និងអនុក្រឹត្យពាក់ព័ន្ធកង យោធពលខេមរភូមិន្ទ ទី៦-នីតិរដ្ឋបាល ទី៧-នីតិអន្តរសាធារណៈ ទី៨-រដ្ឋបាលទូទៅ ទី៩-ព័ត៌មានវិទ្យា
គួររំលឹកថា នេះជាលើកទី៥ហើយចាប់ពីឆ្នាំ២០០៧ដែលអគ្គលេខាធិការដ្ឋាន ក្រសួងការពារជាតិបានបើកវគ្គបំប៉ន និង ផ្សព្វផ្សាយស្តីពីការងាររដ្ឋបាលដល់នាយ ទាហាន នាយទាហានរងក្នុងខ.ភ.ម. ឆ្លង តាមរយៈការរៀនសូត្រជាបន្តបន្ទាប់ឃើញ ថា គ្រប់ស្ថាប័នបានឈ្វេងយល់ពីគ្នាទៅ វិញទៅមក និងយកអស់ស្មារតីទទួលខុស ត្រូវជម្រះបាននូវចំណុចសមស្រប និងឈាន ទៅរកការឯកភាពគ្នា ។ ទន្ទឹមនឹងនេះក៏នៅ មានស្ថាប័ន កងឯកភាពមួយចំនួនមិនទាន់ អនុវត្តបានត្រឹមត្រូវតាមបែបបទរដ្ឋបាល នៅឡើយ ដើម្បីអនុវត្តឲ្យត្រឹមត្រូវតាម ទម្រង់បែបបទ ឋានានុក្រម ច្រកចេញចូល តែម្តង និងរបៀបរបបការងារ គ្រប់គ្រង តម្កល់ការងារសម្ងាត់ ការរៀបចំទុកដាក់ ឯកសាររដ្ឋបាល ពិសេសពង្រឹងការយល់ ដឹងបន្ថែមអំពីប្រព័ន្ធគ្រប់គ្រងរដ្ឋបាលដល់នាយទាហានជាប្រយោជន៍ក្នុងការបំពេញការងារការគ្រប់គ្រងលិខិតបទដ្ឋាន ដែលពាក់ព័ន្ធធ្វើការងារអនុវត្តមានប្រសិទ្ធភាពទទួលបានលទ្ធផលល្អជាការចូលរួមចំណែកពង្រឹងអភិបាលកិច្ចល្អរបស់រាជរដ្ឋាភិបាល ៕
ដោយ៖ សុខដុម
