ខេត្តកណ្តាល៖ រថយន្តបុកម៉ូតូរបួសធ្ងន់បីនាក់ អ្នកបើកបររត់គេចខ្លួនបាត់កាលពីវេលាម៉ោង៥និង៣០នាទីព្រឹកថ្ងៃទី៣ ខែឧសភា ឆ្នាំ២០១៦ ស្ថិតនៅចំនុចផ្លូវជាតិលេខ២ ចន្លោះគីឡូម៉ែតលេខ២៥-២៦ ភូមិព្រែកអង្គុញ ឃុំសៀមរាប ស្រុកកណ្តាលស្ទឹង ខេត្តកណ្តាល។
ករណីគ្រោះថ្នាក់ចរាចរណ៍នេះកើតឡើងរវាងរថយន្តនិងម៉ូតូ របួសធ្ងន់បីនាក់ ស្រីពីរនាក់ និង ប្រុសម្នាក់។ ម៉ូតូជនរងគ្រោះម៉ាកC១២៥ ស៊េរីឆ្នាំ២០១៥ពាក់ផ្លាកលេខភ្នំពេញ1FD-8803បើកបរដោយឈ្មោះរ័ត្នប្រុស ភេទប្រុសអាយុ៤០ឆ្នាំ រួមដំណើរពីរនាក់ទៀត ១-ឈ្មោះផនរ៉េមភេទស្រីអាយុ៥០ឆ្នាំ។ ២-ឈ្មោះទេបម៉េតភេទស្រីអាយុ៤៥ឆ្នាំ។ អ្នកទាំងបីរស់នៅភូមិរំចេក ឃុំត្នោត ស្រុកបាទី ខេត្តតាកែវ។ បើកបរក្នុងទិសដៅពីត្បូងបត់ឆ្លងទៅលិច។ ចំណែករថយន្តបង្កហេតុម៉ាកតីតាន់ ពណ៍ខៀវពាក់ស្លាកលេខកំពង់ស្ពឺ 2A-0762បើកបរក្នុងទិសដៅពីជើងទៅត្បូងស្របទិសគ្នាបានរត់គេចបាត់។
ករណីនេះសមត្ថកិច្ចបញ្ជាក់ថាៈ ម៉ូតូលឿនបត់ឆ្វេង ខ្វះការប្រុងប្រយ័ត្ន ក៏បណ្តាលអោយរថយន្តគេចមិនទាន់បុកតែម្តង។
ចំណែកវត្ថុតាងបានយកទៅរក្សាទុកនៅអធិការដ្ឋានគរបាលស្រុករងចាំភាគីទាំងពីរចូលខ្លួនមកដោះស្រាយគ្នាជាក្រោយ៕
ដោយ៖ តុង សីហា
