មន្ត្រីក្នុងតំបន់បានប្រកាសកាលពីថ្ងៃទី២៣ ខែកក្កដាថា ភ្លៀងធ្លាក់ខ្លាំងបន្តបន្ទាប់ជាប់គ្នាប៉ុន្មានថ្ងៃបង្កជាទឹកជំនន់ស្ថិតនៅភាគខាងកើតខេត្តហ្វូជាន ប្រទេសចិនធ្វើឲ្យមនុស្ស៦នាក់បាត់បង់ជីវិត និង៤នាក់ផ្សេងទៀតកំពុងនៅបាត់ខ្លួន។
សេចក្តីប្រកាសព័ត៌មានរបស់នាយកដ្ឋានគ្រប់គ្រង និងបង្កាគ្រោះទឹកជំនន់ខេត្តហ្វូជានបញ្ជាក់ថា ភ្លៀងបានចាប់ផ្តើមធ្លាក់ខ្លាំងកាលពីថ្ងៃអាទិត្យហើយបន្តរហូតមដល់ថ្ងៃនេះស្ថិតនៅភាគកណ្តាល និងភាគខាងលិចខេត្តហ្វូជាន ធ្វើឲ្យប៉ះពាល់មនុស្ស៤២០.០០០នាក់ និងបង្ខំឲ្យពលរដ្ឋរហូតដល់១៧១.៨០០នាក់ត្រូវតែភៀសខ្លួនទៅរកទីទួលមានសុវត្ថិភាព ការពារពីភយន្តរាយជាយថាហេតុ ។
នៅក្នុងខេត្ត Yunxiao ទីក្រុង Zhangzhou ភ្លៀងបានបន្តធ្លាក់ខ្លាំងចាប់ពីវេលាម៉ោង៨ព្រឹកថ្ងៃអាទិត្យ ទី១៩ ខែកក្កដា រហូតដល់ម៉ោង២រសៀល ថ្ងៃទី២៣ ខែកក្កដា ។ ប៉ុន្តែនៅក្នុងរដ្ឋ Liancheng ទីក្រុង Long yan នៅទីនោះទទួលរងគ្រោះខ្លាំងជាងគេ ។ ភ្លៀងធ្លាក់ខ្លាំងធ្វើឲ្យជនលិចទន្លេហូរកាត់និងជន់លិចលំនៅឋានពលរដ្ឋ ជាក់ស្តែងកម្ពស់ទឹកបានកើនឡើងជាង២ម៉ែត្រកាលពីថ្ងៃទី២៣ ខែកក្កដា។ គ្រោះធម្មជាតិនេះដែរបានបណ្តាលឲ្យដាច់ចរន្តអគ្គិសនី ចរន្តទឹកស្អាតប្រើប្រាស់ ប្រព័ន្ធទូរគមន៍មនាគមន៍ និងប្រព័ន្ធហេដ្ឋារចនាសម្ព័ន្ធជាច្រើនផ្សេងទៀត។
តាមការប៉ាន់ប្រមាណរបស់ផ្នែកពាក់ព័ន្ធបញ្ជាក់ថា គ្រោះធម្មជាតិនេះផងដែរបានធ្វើឲ្យខូចខាតលំនៅឋាន១១.០០០ខ្នង បំផ្លាញផ្ទៃដីបង្កបង្កើនផលពលរដ្ឋ២៦.២២០ហិកតា ដែលធ្វើឲ្យខាតបង់ទឹកប្រាក់ប្រមាណ៤.២ពាន់លានយន់(លុយនចិន)។
ការិយាល័យឧតុនិយមប្រចាំតំបន់បានបញ្ជាក់ថា រហូតមដល់វេលាម៉ោង៥ល្ងាច ថ្ងៃទី២៣ ខែកក្កដា ព្យុះភ្លៀងមានការថមថយបន្តិចហើយ។ កាលពីថ្ងៃពុធ ស្ថិតនៅក្នុងខេត្តHubei ភាគកណ្តាលរបស់ចិនឯណោះវិញ គ្រោះធម្មជាតិនេះបានបណ្តាលឲ្យប៉ះពាល់មនុស្ស៣៦០.៧០០នាក់ នៅតាមបណ្តាស្រុក ខណ្ឌ និងទីក្រុងទាំង១៤។ នេះបើតាមការបញ្ជាក់របស់នាយកដ្ឋានកិច្ចការស៊ីវិលខេត្ត ។
ប្រភពបន្តថា រហូតមកដល់វេលាម៉ោង២រសៀល ម៉ោងនៅក្នុងតំបន់ ថ្ងៃទី២៣ ខែកក្កដា នៅទីតាំងខាងលើនេះ គ្រោះធម្មជាតិបានធ្វើឲ្យប៉ះពាល់ផៃ្ទដីបង្កបង្កើនផលរបស់ពលរដ្ឋ៣៦.៩៥០ហិកតា លំនៅឋាន១៤៥ខ្នងត្រូវបាក់រលំ ដែលគិតជាទឹកប្រាក់ខូចខាតមានប្រមាណ១០.៩លានដុល្លារ ៕
