ភ្នំពេញ៖ មុននេះបន្ដិច កម្លាំងនគរបាលខណ្ឌពោធិ៍សែនជ័យសហការជាមួយនគរបាលខណ្ឌដង្កោឃាត់ខ្លួនបានជនសង្ស័យ៧នាក់ ក្នុងនោះស្រី២នាក់ ដែលសម្លាប់នារីសិស្សសាលាយកម៉ូតូដ៏ឃោឃៅ។

ហេតុការណ៍ចាប់បានក្រុមជនសង្ស័យសម្លាប់នារីសិស្សសាលានៅវេលាម៉ោង៩ និង៣០នាទីយប់ថ្ងៃទី១០ ខែឧសភា ឆ្នាំ២០១៦ ហើយជនដៃដល់គឺជាបងប្អូនជីដូនមួយរបស់នារីរងគ្រោះនោះតែម្តង​ និងយកម៉ូតូបានមកវិញហើយ។

តាមសម្ដីរបស់សមត្ថកិច្ចបានប្រាប់ឲ្យដឹងថា មុនដំបូងសមត្ថកិច្ចនគរបាលខណ្ឌដង្គោបានធ្វើការស្រាវជ្រាវតាមរកមុខជនដៃដល់ឃាត់ខ្លួនបានម្នាក់ រហូតឈានដល់ឃាត់ខ្លួនក្រុមជនដៃដល់៦នាក់ទៀតក្នុងនោះស្រី២នាក់ នៅក្រោយទូរទស្សន៍អាស៊ីអាគ្នេយ៍ ក្នុងសង្កាត់ទឹកថ្លា ខណ្ឌសែនសុខ៕

ដោយ៖​ សុខាសែនជ័យ