ខេត្តស្ទឹងត្រែង៖ អធិការដ្ឋាននគរបាលក្រុងស្ទឹងត្រែងឡោមព័ទ្ធស្ទាក់ចាប់បានជនសង្ស័យម្នាក់ជាមួយនឹងថ្នាំញៀន១គ្រាប់ប្រភេទមេតមហ្វេតាមីននិងអាវុធកែឆ្នៃ១ដើមនៅវេលាម៉ោង១និង២៥នាទីយប់ឈានចូលថ្ងៃទី១២ ខែឧសភា ឆ្នាំ២០១៦ ។
លោក ឈូក កុម៉ុល់ អធិការក្រុងស្ទឹងត្រែងបានឲ្យដឹងថា ជនសង្ស័យមានឈ្មោះ វាទ ប៊ុនណាង ភេទប្រុស អាយុ២៦ឆ្នាំ នៅចំណុចក្នុងផ្ទះ ស្ថិតនៅភូមិថ្មលាត សង្កាត់ស្រះឫស្សី ក្រុងស្ទឹងត្រែង និងម្នាក់ទៀតឈ្មោះ ឆៃ រត់ គេចខ្លួនបាត់ស្រមោល។
លោកបន្តទៀតថា ជនសង្ស័យខាងលើកំពុងកសាងសំណុំរឿងបញ្ចូមទៅសាលាតំបូងចាត់ការទៅតាមនិតិវិធី។ ចំណែកជនសង្ស័យដែលរត់គេចខ្លួននោះលោកបញ្ចាឲ្យកម្លាំងបន្តធ្វើការស៊ើបអង្កេតស្រាវជ្រាវតាមចាប់ខ្លួនដើម្បីយកមកចាត់ការតាមច្បាប់៕
ដោយ៖ មាស សុផាត
...
