ព្រះវិហារ ៖ បុរស ២ នាក់ជិះម៉ូតូទៅបុករថយន្តដឹកឈើ បណ្តាលអោយរងរបួសធ្ងន់ ត្រូវបានរថយន្តសង្គ្រោះបន្ទាន់របស់ស្នងការខេត្តដឹកយកទៅសង្គ្រោះជីវិតនៅមន្ទីរពេទ្យបង្អែក ១៦ មករា មិនដឹងថារស់ឬស្លាប់នោះទេ ចំណែកតៃកុងរថយន្តត្រូវបានសមត្ថកិច្ចឃាត់ខ្លួន ។
ករណីគ្រោះថ្នាក់ចរាចរណ៍ខាងលើកើតឡើង កាលពីវេលាម៉ោង ៣ និង ៤០ នាទីរសៀល ថ្ងៃទី ១៧ ខែ សីហា ឆ្នាំ ២០២២ នៅចំនុចមុខវិមានជ័យជំនះ ស្ថិតក្នុងភូមិសំរោង សង្កាត់កំពង់ប្រណាក ក្រុងព្រះវិហារ ខេត្តព្រះវិហារ ។
ប្រភពពីសមត្ថកិច្ចបានអោយដឹងថា តៃកុងរថយន្តមានឈ្មោះ ម៉ាប់ សុីឈ្នួលបើករថយន្តដឹកឈើគ្រឿងសិប្បកម្មអោយឈ្មោះ ពៅ ហៅ លក រថយន្តម៉ាកធុនត្រាពណ៍ស ពាក់ផ្លាកលេខ ភ្នំពេញ 2AN5730 ដឹកគ្រឿងសង្ហារឹមពេញ មកពីស្រុកឆែប ចំណែកម៉ូតូម៉ាក វ៉េវ ពណ៍ខ្មៅ ស្លាកលេខ ព្រះវិហារ 1D0359 ជិះឌុបគ្នា ២នាក់ ធ្វើដំណើរ ពីទិសខាងកើតទៅលិច បានបុករថយន្តចំកង់ខាងឆ្វេងផ្នែកខាងមុខបណ្តាលអោយកំពិតបែកចង្កៀងរថយន្ត ។
សមត្ថកិច្ចជំនាញថា ករណីនេះមូលហេតុកើតចេញពីការបើកបរល្បឿនលឿននឹង ធ្វេសប្រហែស ។ករណីនេះសមត្ថកិច្ចនគរបាលជំនាញកំពុងបន្តនីតិវិធី ៕,អ្នកប្រមាញ់
