ខេត្តពោធិសាត់ៈ ប្រជាពលរដ្ឋបានលើកឡើងថាៈ មិនភ្លៀងទេតែបើបានធ្លាក់ភ្លៀងរលឹមបន្តិចបន្តូច អីក៏សាហាវម្លេះ បង្កជារន្ទះបាញ់ឆក់ជីវិតមនុស្សផុយៗមួយពព្រិចភ្នែកតែម្តង។
នៅវេលាម៉ោង៣រសៀលថ្ងៃទី១២ ខែឧសភាឆ្នាំ២០១៦ នៅចំណុចការដ្ឋានទី៧ ក្នុងភូមិព្រៃឱម៉ាល់ សង្កាត់រលាប ក្រុងពោធិសាត់ ខេត្តពោធិសាត់មានករណីរន្ទះបាញ់បណ្តាលអោយមនុស្សម្នាក់បានស្លាប់យ៉ាងអណោធអធ័ម។ សមត្ថកិច្ចបានអោយដឹងថាៈ ជនរងគ្រោះមានឈ្មោះមឿន សុភក្ត្រ ភេទប្រុសអាយុ២៦ ឆ្នាំមានទីលំនៅ ភូមិខាងលើ ស្លាប់ និងប្រពន្ធឈ្មោះ មូល ស្រីតូចអាយុ២២ឆ្នាំ រងបួសស្រាល។
សមត្ថកិច្ចបានចុះពិនិត្យនិងធ្វើកោសលវិច្ឆ័យដល់កន្លែងកើតហេតុ រួចប្រគល់សាកសពអោយក្រុមគ្រួសារយកទៅធ្វើបុណ្យតាមប្រពៃណី៕
សុខ ខេមរា
...
