ខេត្តស្វាយរៀង៖ ព្រឹកថ្ងៃទី១៣ ខែឧសភា ឆ្នាំ២០១៦ លោកស្រី ឧបនាយករដ្ឋមន្រ្តី ម៉ែន សំអន រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានចុះពិនិត្យស្ថានភាពទីតាំងស្រះទឹក ២កន្លែង ដែលជាអំណោយរបស់លោកស្រីផ្ទាល់ដែលស្រះទី១ មានទំហំ ២០មx៣០ម និងស្រះទី២មានទំហំ ២០មx២០ម សម្រាប់ស្តុកទឹកទុកជូនប្រជាពលរដ្ឋប្រើប្រាស់ នៅស្រុកចន្រ្ទា ខេត្តស្វាយរៀង រួមដំណើរនាពេលនោះមាន ឯកឧត្តមអភិបាលខេត្តស្វាយរៀង មន្ទីរអង្គភាពជំំដនាញពាក់ព័ន្ធជុំវិញខេត្តស្វាយរៀង។

នាឱកាសនោះផងដែរលោកស្រីក៏បានសំណូមពរដល់បងប្អូនប្រជាពលរដ្ឋដែលនៅជុំវិញស្រះ និងអ្នកដែលបានប្រើប្រាស់ទឹកក្នុងស្រះនេះឲ្យចេះថែទាំ និងរក្សាអនាម័យនៅជុំវិញស្រះផង។

ក្នុងឱកាសនោះផងដែរលោកស្រីក៏បានឧបត្ថម្ភដល់បងប្អូនប្រជាពលរដ្ឋ កងកម្លាំងប្រដាប់អាវុធ អស់ថវិកា ជាង ៩លានរៀល និងបានឧបត្ថម្ភនូវថវិកាចំនួន ១.០០០ដុល្លារ សម្រាប់ធ្វើរបងព័ទ្ធជុំវិញស្រះទាំងពីរ តាមសំណើររបស់ប្រជាពលរដ្ឋ៕

ដោយ៖ សុវណ្ណារ៉ា