ភ្នំពេញ ៖ កាលពីព្រឹកថ្ងៃទី២៥ ខែ កក្កដា ឆ្នាំ២០១៥ សហព័ន្ធកីឡាតុង ហ្គីលម៉ូដូកម្ពុជាបានរៀបចំធ្វើមហាសន្និបាតបូកសរុបការងារប្រចាំឆ្នាំ២០១៥ និងលើកទិសដៅសម្រាប់ឆ្នាំ២០១៦ខាង មុខព្រមទាំងមានបើកវិធីប្រកួតជ្រើស រើសជើងឯកប្រចាំសហព័ន្ធកីឡាតុងហ្គីលម៉ូដូដើម្បីវាស់ស្ទង់កម្រិតបច្ចេក ទេសរបស់កីឡាករកីឡាការិនីនៅទីស្នាក់ការគណៈកម្មាធិការជាតិអូឡាំពិកកម្ពុជា ក្រោមអធិបតីភាពលោក ជ័យ ចាប ប្រធានសហព័ន្ធកីឡាតុងហ្គីលម៉ូដូកម្ពុជា។
លោក ចំរើន សុផល អគ្គលេខាធិ ការសហព័ន្ធកីឡាតុងហ្គីលម៉ូដូបានឱ្យ ដឹងថា រយៈពេល២អាណត្ដិកន្លងមក ហើយដែលសហព័ន្ធបានដំណើរសកម្ម ភាពរបស់ខ្លួនប្រកបដោយភាពជោគ ជ័យនិងសក្ដានុពលគូរឱ្យកត់សម្គាល់ ។
សម្រាប់គោលបំណងនៃការប្រកួត ជ្រើសរើសជើងឯកប្រចាំសហព័ន្ធកីឡាតុងហ្គីម៉ូដូនាពេលនេះគឺដើម្បីស្វែងរក កីឡាករកីឡាការិនីមានសមត្ថភាពខ្ពស់ដែលមានក្លិបចូលរួមចំនួន១០នៅក្នុង រាជធានីភ្នំពេញ ។ ប៉ុន្ដែការប្រកួតជើង ឯករបស់សហព័ន្ធឆ្នាំនេះមានកីឡាករ កីឡាការិនីកម្រិតខ្សែក្រវាត់ខ្ពស់ៗ ប្រមាណជាង៦០នាក់ក្នុងចំណោម៥០០នាក់ ។
លោកបានបន្ដទៀតថា សហព័ន្ធកីឡា តុងហ្គីលម៉ូដូបច្ចុប្បន្នមានអាជ្ញាកណ្ដាលថ្នាក់ជាតិ២៣នាក់និងអាជ្ញាកណ្ដាល កម្រិតអន្ដរជាតិមាន៥នាក់ដូចជា លោកសំ សុខយី ជាអនុប្រធានសហព័ន្ធ លោកជា វណ្ណចាន់ត្រា លោកហ៊ត់ វិចិត្រ លោកគឹម ឆាយវិឆ័យ និង កញ្ញា ម៉ាន់ ស៊ីម៉ា ។
បើទោះបីកីឡាតុងហ្គីលម៉ូដូមាន សកម្មភាពយ៉ាងផុលផុសរយៈពេល២ អាណត្ដិកន្លងទៅហើយក៏ដោយ ក៏ក្រសួង អប់រំយុវជននិងកីឡានៅមិនទាន់អនុញ្ញាត ឱ្យប្រភេទកីឡាតុងហ្គីលម៉ូដូដែលមិន ស្ថិតនៅក្នុងប្រភេទកីឡាអូឡាំពិកមួយ នេះចូលរួមប្រកួតជើងឯកថ្នាក់ជាតិ នោះទេ ។ ប៉ុន្ដែបើតាមការឱ្យដឹងពី លោកសំ សុខយី អនុប្រធានមជ្ឈមណ្ឌល ជាតិហ្វឹកហ្វឺនកីឡានិងជាអនុប្រធាន សហព័ន្ធកីឡាតុងហ្គីលម៉ូដូបានប្រាប់ ឱ្យដឹងថា នៅឆ្នាំ២០១៦កីឡាករកីឡា ការិនីតុងហ្គីលម៉ូដូអាចបានចូលរួមប្រកួតជើងឯកថ្នាក់ជាតិ ។
សម្រាប់មហាសន្និបាតបញ្ចប់ អាណត្ដិទី២និងបោះឆ្នោតជ្រើសរើស ក្បាលម៉ាស៊ីនដឹកនាំសហព័ន្ធកីឡាតុង ហ្គីលម៉ូដូបន្ដអាណត្ដិទី៣នេះសហព័ន្ធ មានផែនការលើកទិសដៅអនុវត្ដការ ងារប្រចាំឆ្នាំដូចជាទី១-អភិវឌ្ឍសមត្ថ ភាពគ្រូបង្វឹកនិងកីឡាករកីឡាការិនី, ទី២-បណ្ដុះបណ្ដាលមន្ដ្រីបច្ចេកទេស, ទី៣-រៀបចំការប្រកួតជ្រើសរើសជើង ឯកថ្នាក់ជាតិប្រចាំឆ្នាំ២០១៦, ទី៤-បន្ដ ពង្រឹងនិងពង្រីកសកម្មភាពក្លិបឱ្យកាន់ តែល្អប្រសើរឡើង, ទី៥-ពង្រឹងទំនាក់ទំនង ជាមួយដៃគូទាំងថ្នាក់ជាតិនិងអន្ដរជាតិ និងទី៦-ពង្រឹងក្លិបបន្ថែមទៀតសម្រាប់ ការអភិវឌ្ឍកីឡាតុងហ្គីលម៉ូដូ ៕ សារីម
