កាលពីថ្ងៃទី​២៤ខែកក្កដា មេដឹកនាំគីមជុងអ៊ុនបានផ្តល់តួនាទីទទួលខុសត្រូវសំខាន់ក្នុងការអភិ​វឌ្ឍន៍រូបភាពផ្ទល់ខ្លួនឲ្យទៅប្អូនស្រីជាអ្នកមើលការខុសត្រូវ។

សារព័ត៌មានអង្គគ្លេសបានផ្សាយថា ការតែងតាំងដំណែងសំខាន់ដល់ប្អូនស្រីឈ្មោះ​Kim Yo Jong ឲ្យកាន់តំណែងជាប្រធានប្រព័ន្ធផ្សព្វផ្សាយរបស់បក្សពលករកូរ៉េខាងជើង មានន័យថា​ប្អូនស្រីគឺជាអ្នកនាំពាក់ផ្ទល់របស់គីមជុងអុន។

សកម្មភាពខាងលើបានបង្ហាញយ៉ាងច្បាស់ថា ប្អូនស្រី​ គីមយូជុង កាន់តែលេចថ្លោជាងមុននៅក្នុង​សង្គម ទទួលបានការចាប់អារម្ភយ៉ាងខ្លាំងពីគ្រប់ទិសទីជុំវិញពិភពលោក។ កន្លងមកមានព័ត៌មានចាមអារ៉ាមថា ប្អូនស្រីលោក គីមជុងអុន បានរៀបការជាមួយកូនប្រុសទីពីររបស់អនុប្រ​ធានបក្សពលករកូរ៉េខាងជើងលោក ​Choe Ryong Hae កាលពីដើមឆ្នាំ​២០១៥នេះ។

មិនខុសពីបងប៉ុន្មាននោះឡើយ នាង ​Kim Yo Jong ធ្លាប់បានទៅរៀននៅសាលាដែលមានភាព​ល្បីល្បាញក្នុងប្រទេសស្វិស មុនពេលត្រឡប់មកប្រទេសវិញ។ សារព័ត៌មាន​ Guardian បានផ្សាយថា​ ក្រៅពីប្អូនស្រី​លោក គីមជុងអុន គ្មានការជឿជាក់ទៅលើបុគ្គលណាផ្សេងឡើយ៕