ខេត្តត្បូងឃ្មំុៈ នគរបាលស្រុកត្បូងបានធ្វើរការឃាត់ខ្លួនជនសង្ស័យជាកម្មករសំណង់ម្នាក់នៅនិងការដ្ឋានសាងសង់ សាលាខេត្តត្បូងឃ្មំុថ្មី រួមជាមួយវត្ថុតាងថ្នាំញៀននិងឧបករណ៍មួយចំនួន។

ករណីឃាត់ខ្លួននេះធ្វើឡើងនៅនៅវេលាម៉ោង ១១ៈ៥២នាទី ថ្ងៃទី១៣ ខែឧសភា ឆ្នាំ២០១៦ នៅចំណុចរោងកម្មករ ក្នុងការដ្ឋានសាងសង់ សាលាខេត្តត្បូងឃ្មុំថ្មី ដែលមានទីតាំងនៅភូមិនិគមលើ ឃុំស្រឡប់ ស្រុក-ខេត្តត្បូងឃ្មុំ ។
លោក ឡុង សារិន អធិការរងនគរបាលស្រុកត្បូងឃ្មំុ បានបញ្ជាក់ឲ្យបានដឹងថា កំលាំងជំនាញនគរបាលស្រុកត្បូងឃ្មុំ បានឆ្មក់ចាប់មុខសញ្ញាជួញដូរថ្នាំញៀនម្នាក់ឈ្មោះ កួយ គីមថុល ភេទប្រុស អាយុ ២៣ ឆ្នាំ ទីលំនៅភូមិរំពាក់ពេន ឃុំឧត្តមសូរិយា ស្រុកត្រាំកក់ ខេត្តតាកែវ ហើយ បច្ចុប្បន្នស្នាក់នៅធ្វើកម្មករភូមិនិគមលើ ឃុំស្រឡប់ ស្រុកត្បូងឃ្មុំ ក្នុងខណៈកំពុងដោះដូរថ្នាំញៀននៅក្នុងបន្ទប់ស្នាក់នៅ ។
លោកបន្តថា សមត្ថកិច្ចចាប់យកបានម្សៅក្រាមពណ៍ស សង្ស័យថ្នាំញៀន ចំនួន 0២កញ្ចប់ ព្រមទាំងសំភារៈវិចខ្ចប់ និងឧបករណ៍ ប្រើប្រាស់មួយចំនួន។
បច្ចុប្បន្ន មុខសញ្ញារូបនេះ សមត្ថកិច្ចនគរបាលស្រុកត្បូងឃ្មុំ កំពុងធ្វើការសាកសួរ កសាងសំណុំរឿងតាមនីតិវិធីបញ្ជូនទៅតុលាការផ្តន្ទាទោសតាមច្បាប់៕

វណ្ណះ