កំពង់ធំៈ មានការភ្ញាក់ផ្អើលមួយកើតឡើងកាលពីព្រឹកថ្ងៃទី១៣ ខែឧសភា ឆ្នាំ២០១៦ ដោយសារបុរសជនជាតិ ថៃម្នាក់បន្ទាប់ពីខំស្កាត់មកពីស្រុកថៃដល់ស្រុកខ្មែរដើម្បីរកប្រពន្ធនិងកូនមិនឃើញ បានសម្រេចចិត្តចងករធ្វើអត្តឃាតខ្លួន។
ករណីនេះបានកើតឡើងកាលពីព្រឹកថ្ងៃទី១៣ ខែឧសភា ឆ្នាំ២០១៦ ស្ថិតក្នុងភូមិថ្មី ឃុំសាមគ្គី ស្រុកប្រាសាទបល្ល័ង្ក ខេត្តកំពង់ធំ ។ ជនរងគ្រោះ ឈ្មោះ នាយ សំភីន ហៅ ផាក ណាត់ ភេទប្រុសអាយុ៣៦ឆ្នាំ ជនជាតិថៃ រស់នៅភូមិពីរ ឃុំណងវែង ស្រុកគោកឃ្លង ខេត្តស្រះកែវ
បើតាមប្រភពពត័មានពីសមត្ថកិច្ច បានប្រាប់ នគរដ្រេហ្គន ថាៈ ជនជាតិថៃដែលមកចងករធ្វើអត្តឃាតខាងលើនេះ ធ្លាប់បានស្រលាញ់គ្នាជាមួយនារីខ្មែរម្នាក់ឈ្មោះ ញាំ សុភា អាយុ៣០ អស់រយៈពេលជាច្រើនឆ្នាំមក
ខណៈពេលដែលនាង សុភា ទៅធ្វើជាកម្មករនៅប្រទេសថៃ រហូតបានកូនស្រីម្នាក់ជាចំណងដៃ នាងឈ្មោះ អូត ភីន អាយុ៧ឆ្នាំ និងធ្លាប់នាំគ្នាមកលេងម្តាយនៅស្រុកខ្មែរ ហើយក៏ត្រឡប់ទៅប្រទេសថៃ ។ នៅមុនថ្ងៃកើតហេតុបើតាមការរៀបរាប់ឲ្យដឹងពីជនរងគ្រោះ មុនពេលធ្វើអត្តឃាតប្រាប់ថា ពួកគេទាំងពីរនាក់បានឈ្លោះប្រកែកគ្នាហើយប្រពន្ធក៏បាននាំកូនចុះចោលបាត់ពុំឃើញត្រឡប់ទៅផ្ទះវិញ ស្មានថាប្រពន្ធនាំកូនមកផ្ទះ
ម្តាយរបស់នៅភូមិឃុំខាងលើ រូបគេឈ្មោះ នាយ សំភីន ហៅ ផាក ណាត់ បានធ្វើដំណើរពីប្រទេសថៃ ស្កាត់មកប្រពន្ធនៅផ្ទះ ម្តាយក្មេកឈ្មោះ ណុច យ៉ា អាយុ៦១ នៅភូមិកើតហេតុកាលពីថ្ងៃទី១២ ខែឧសភា ឆ្នាំ២០១៦ មិនឃើញតូចចិត្តក៏លួចចងករធ្វើអត្តឃាតនៅលើផ្ទះម្តាយក្មេកកាលពីយប់ទាបភ្លឺឈានចូលថ្ងៃទី១៣ ខែឧសភា ឆ្នាំ២០១៦ ។ តបន្ទាប់មកសមត្ថកិច្ចបានចុះមកធ្វើកោសលវិច្ឆ័យ រួចក៏បានធ្វើកំណត់ហេតុប្រគល់សាកសពអោយទៅសាច់ញាតិយកទៅធ្វើបុណ្យតាមប្រពៃណី៕
ដោយប៊ុន រិទ្ធី
