ភ្នំពេញៈ​ កាលពីវេលា ម៉ោង២៣និង៥០នាទី ថ្ងៃទី១៤​ខែឧសភា​ ឆ្នាំ២០១៦ នៅចំនុចផ្លូវលេខ១៣០កែង១៥ សង្កាត់ផ្សារកណ្តាលទី១ កម្លាំងកងរាជអាវុធហត្ថដូនពេញបង្រា្កបនិងឃាត់ខ្លួនជនសង្ស័យចំនួន០២នាក់ ករណីលួច(ឆក់ទូរស័ព្ទ)។
សមត្ថកិច្ចបានអោយដឹងថាៈ​ ជនសង្ស័យរួមមានៈ
១.ឈ្មោះ សុខ ណេង ភេទប្រុស អាយុ១៦ឆ្នាំ មុខរបរមិនពិតប្រាកដ ស្នាក់នៅផ្ទះជួល ផ្លូវ១៤៤ សង្កាត់ផ្សារកណ្តាក២ ខណ្ឌដូនពេញ(ជាអ្នកឆក់)។
២.ឈ្មោះ ខ្លូត សីហា ហៅ ឃ្លោក ភេទប្រុស អាយុ២៦ឆ្នាំ មុខរបរជាងសំណង់ ស្នាក់នៅផ្ទះលេខ២៣អឺ១ ផ្លូវ១៤៤ ក្រុម៩ ភូមិ១០ សង្កាត់ផ្សារកណ្តាល១ ខណ្ឌដូនពេញ(ជាអ្នកបេីកម៉ូតូ)។
សមត្ថកិច្ចបន្តថាៈ​ វត្ថុតាងចាប់យកមាន -ម៉ូតូ០១គ្រឿងម៉ាកវីវា ពណ៏ខ្មៅពាក់ស្លាកលេខកណ្តាល ១G:៥៦១៥ -ទូរស័ព្ទ០១គ្រឿងម៉ាកSUMSUNG NOTE3 ជារបស់ជនរងគ្រោះ។ ដោយឡែកជនរងគ្រោះឈ្មោះ ទឹម លីហៀង ភេទប្រុស អាយុ២០ឆ្នាំ មុខរបរសិស្សសាលាបាក់ទូក ស្នាក់នៅផ្ទះលេខ៩០៧ សង្កាត់ឫស្សីកែវ ខណ្ឌឫស្សីកែវ។
មុនពេលកើតហេតុ​ នៅវេលាម៉ោង២៣ៈ៣០នាទី ជនរងគ្រោះកំពុងតែជិះម៉ូតូតាមបណ្តោយផ្លូវលេខ១៣០ពីត្បូងមកជេីងដល់ផ្លូ១៥កែង១៣០ ស្រាប់តែមានជនសង្ស័យ០២នាក់ខាងបានលេីបានជិះម៉ូតូមកក្បែរ ហេីយធ្វេីសកម្មភាពឆក់ទូរស័ព្ទរបស់ជនរងគ្រោះបានសំរេច រួចក៏ព្យាយាមជិះគេចខ្លួនតាមបណ្តោយផ្លូវ១៥ពីត្បូងមកជេីង។​ ពេលនោះជនរងគ្រោះបានស្រែកថា ចោរៗ!! ហេីយកំលាំងកំពុងតែល្បាតក្បែរនោះបាន ចុះអន្តរាគមន៏ ដេញប្រផាប់ចាប់ប្រភីង រហូតដល់ចំនុចផ្លូវ២៤២កែង៦៣ សង្កាត់ចតុមុខខណ្ឌដូនពេញ ក៏ឃាត់ខ្លួនបានជនសង្ស័យ០២នាក់ខាងលេី ហេីយដកហូតបានទូរស័ព្ទ០១គ្រឿងជារបស់ជនរងគ្រោះមកវិញ។
ក្រោយឃាត់ខ្លួនជនសង្ស័យបានឆ្លេីយសារភាពថាពួកគេពិតជាបានធ្វេីសកម្មភាពឆក់ទូរស័ព្ទរបស់ជនរងគ្រោះពិតប្រាកដមែន ហេីយនេះគឺជាសកម្មភាពលេីកទី០៣ហេីយ។
បច្ចប្បន្នទូរស័ព្ទរបស់ជនរងគ្រោះ សមត្ថកិច្ចបានធ្វេីកំណត់ហេតុប្រគល់អោយជនរងគ្រោះ​ ហេីយ
បញ្ជូនជនសង្ស័យ ទៅការិយាល័យជំនាញដេីម្បីចាត់ការបន្តតាមនិតិវិធី៕​

ដោយ​ សុខ​ ខេមរា