ការប្រកួតបាល់ទាត់ក្របខ័ណ្ឌ League អាជីពធំៗនៅក្នុងតំបន់អឺរ៉ុប ក្នុងរដូវកាល២០១៥-២០១៦ បានចប់ហើយ។ ខាងក្រោមនេះគឺជាបណ្តាលក្លិបដែលជាម្ចាស់ជើងឯកនៅក្នុងក្របខណ្ឌធំៗមួយចំនួន៖
- ក្លិបLeicester City ក្លាយទៅជាម្ចាស់ជើងឯកកំពូលរបស់អង់គ្លេស ។
- ក្រុមBurnley បានឈរលំដាប់កំពូលនៅអង់គ្លេស Championship ហើយ ឡើងមកកាន់ក្របខណ្ឌអង់គ្លេស Premier Leagueរដូវកាលក្រោយជាមួយនឹងក្រុមលេខ២ Middlesbrough ដោយស្វ័រប្រវត្តិ។
- ក្លិបសេះបង្កង់ Juventus បានឈ្នះជើងឯកអ៊ីតាលី Serie A ដោយមាន ៩១ពិន្ទុក្នុងចំណោម៣៨ ប្រកួត។
- ក្រុមBarcelona ក្លាយទៅជាម្ចាស់ជើងឯកប្រទេសអេស្ប៉ាញ ក្រោយឈ្នះ Granada ដោយលទ្ធផល៣-០ លើសក្រុមលេខ២ Real Madrid តែ១ពិន្ទុប៉ុណ្ណោះ។
- BayernMunich ក៏ម្ចាស់ជើងឯកនៅអា្លល្លឺម៉ង់ Bundesliga ឆ្នាំ២០១៦នេះដែរ ក្រោមការដឹកនាំចុងក្រោយ របស់លោក Pep Guardiola ។
- នៅក្នុងប្រទេសបារាំងឯណោះវិញ ក្លិប Paris Saint Germain បានឈ្នះជើងឯកយ៉ាងងាយស្រួលបំផុតដោយនាំមុខលើក្រុមលេខ២រហូតដល់ទៅ៣១ពិន្ទុ។
- ក្លិប PSV បានក្លាយទៅជាជើងឯកប្រទេសហុល្លង់ដោយតាមប្រកៀកប្រកិតបំផុតជាមួយនឹងក្រុម Ajax ។
- ជើងឯកកំពូលរបស់ប្រទេសព័រទុយហ្គាល់បានធ្លាក់ទៅលើក្រុម Benfica ដោយពួកគេបានយកឈ្នះលើក្រុម Nacional ក្នុងលទ្ធផល ៤-១ ក្នុងថ្ងៃបិទរដូវកាល។
- ក្រុម Beşiktaş បានឈ្នះជើងឯកប្រទេសទួរគី ទោះបីជានៅសល់មួយប្រកួតទៀតក៏ដោយមុនចប់រដូវកាល ដោយសារតែពួកគេបាននាំមុខក្រុមលេខ២ Fenerbahçe ដល់ទៅ៦ពិន្ទុ៕
ដោយ៖ សារីម
...
