ភ្នំពេញ៖ កម្លាំងសមត្ថកិច្ចខណ្ឌចំការមនបានធ្វើការឃាត់ខ្លួន ជនសង្ស័យ២នាក់និងថ្នាំញៀនជាច្រើនកញ្ចប់ កាលពីវេលាម៉ោង២នឹង១០នាទីរំលងអាធ្រាតឈានចូលថ្ងៃទី១៥ ខែឧសភា ឆ្នាំ២០១៦ នៅចំណុចផ្លូវម៉ៅសេទុង កែងនឹងផ្លូវលេខ១០៥ ស្ថិតក្នុងសង្កាត់បឹងត្របែក ខណ្ឌចំការមន ប៉ុន្តែការឃាត់ខ្លួននេះហាក់ដូចជាមានការលាក់បាំង ជាមួយអ្នកសារពត៌មានក្នុងការផ្តិតយករូបភាព ។
ប្រភពព័ត៌មានពីសមត្ថកិច្ចម្នាក់បានលួចបង្ហើបថា នៅមុនពេលកើតហេតុគឺកម្លាំងល្បាតនៅក្នុងមូលដ្ឋានបានប្រទះឃើញជនសង្ស័យ២នាក់ ជិះម៉ូតូម៉ាកនិច ពណ៍បៃតង ពាក់ស្លាកលេខ ភ្នំពេញ 1BV-8709 ដោយមានការសង្ស័យកម្លាំងក៏បានកាក់ឱ្យឈប់ ហើយឆែកឆេរក៏ប្រទះឃើញថ្នាំញៀនជាច្រើនកញ្ចប់ និងវត្ថុតាងមួយចំនួនទៀតក៏ធ្វើការឃាត់ខ្លួនតែម្តង ។ ប៉ុន្តែនៅក្នុងការឃាត់ខ្លួនជនសង្ស័យទាំង២នាក់ខាងលើ សមត្ថកិច្ចហាក់ដូចជាមានការលាក់បាំងជាមួយអ្នកសារពត៌មាន នឹងហាមឃាត់នៅក្នុងការផ្តិតយករូបភាព និងការសាកសួរពត៌មានផ្សេងៗ ដោយមិនដឹងថាធ្វើឱ្យតែល្អមើលនៅមុខមហាជនឬក៏យ៉ាងណា ។
ក្រោយមកសមត្ថកិច្ចបានដឹកជនសង្ស័យទាំង២នាក់យកទៅបាត់ទាំងដៃជាប់ខ្នោះ ដោយមិនដឹងថាយកទៅណានោះទេ ព្រោះអ្នកសារពត៌មានយើងសួរមិនឆ្លើយ ៕
ដោយ៖ ជីម ភារ៉ា ដង្កោ
