ភ្នំពេញ ៖ យុវជន២នាក់ត្រូវបានកំលាំងអន្តរាគមន៍ខណ្ឌសែនសុខសហការណ៍ជាមួយកំលាំងនគរបាលចរាចរណ៍ខណ្ឌចាប់ឃាត់ខ្លួនក្រោយពីត្រួតពិនិត្យឃើញមានរក្សាទុកនូវដាវច្នៃក្នុងកាបូបស្ពាយ​ កាលពីវេលាម៉ោង១៦និង២៥នាទីរសៀលថ្ងៃទី១៦​ ខែឧសភា​ ឆ្នាំ២០១៦នៅផ្លូវ២០០៤ភូមិស្លែងរលើងសង្កាត់ទឹកថ្លា​ ខណ្ឌសែនសុខ។

យុវជនទី១ឈ្មោះចែត្រ រ៉ា អាយុ២១ឆ្នាំមុខរបរ
កសិករស្នាក់នៅភូមិក្រាំងចិន​ ឃុំស្តៅកោង​ ស្រុកបាភ្នំ​ ខេត្តព្រៃវែងត្រូវជាបងប្អូនជីដូនមួយនិងគ្នា​ ជិះម៉ូតូម៉ាកZOOMER.Xពណ៌ ស​ ពាក់ស្លាកលេខ
ភ្នំពេញ1DE-5490។

យុវជនទី២ឈ្មោះសុវណ្ណ សក្កដា អាយុ២១ឆ្នាំមុខរបរសិក្ខាកាមភាសារកូរ៉េ​ ស្នាក់នៅក្នុងសាលាភូមិ
អង្គតាកូវ​ សង្កាត់សំរោង​ ខណ្ឌពោធិ៍សែនជ័យ​ ស្រុកកំណើតភូមិក្រាំងចិន​ ឃុំស្តៅកោង​ ស្រុកបាភ្នំខេត្តព្រៃវែង​ ជិះមូតូម៉ាកZOOMER.Xពណ៌ទឹកប្រាក់
ស្លាកលេខភ្នំពេញ1EW-4257។

សមត្ថកិច្ចបានប្រាប់ថាៈ​ មុនឃាត់ខ្លួនយុវជនខាងលើខណះដែលកំលាំងសមត្ថកិច្ចដាក់គោលដៅត្រួតពិនិត្យច្បាប់ចរាចរណ៍នៅចំណុចខាងលើបានឃើញយុវជនទាំងជិះម៉ូតូម្នាក់១គ្រឿងប្រដេញគ្នាក៍ឃាត់ត្រួតពិនិត្យក៍ឃើញក្នុងកាបូបស្ពាយខាងក្រោយឈ្មោះសក្កដាមានលាក់ដាវច្នៃខាងលើក៍ឃាត់ទាំង២នាក់យកមកសាកសួរនៅប៉ុស្តិទឹកថ្លា។

នៅចំពោះមុខសមត្ថកិច្ចយុវជនឈ្មោះចែត្រ រ៉ា បានប្រាប់ថាក្នុងករណីនេះគាត់មិនមានអ្វីពាក់ព័ន្ធឡើយដោយមុនកើតហេតុគាត់មកពីស្រុកកំណើតយកម៉ូតូមកធ្វើនៅភ្នំពេញហើយបានជួបបងប្អូនជីដូនមួយបានហៅទៅលេងផ្ទះបងប្អូនទើបគេជិះម៉ូតូម្នាក់១គ្រឿងមកដល់ចំណុចខាងលើជួបសមត្ថកិច្ចតែម្តង។
បច្ចុប្បន្នយុវជនទាំង២នាក់កំពុងធ្វើការសាកសួរនៅប៉ុស្តិ៍នគរបាលរដ្ឋបាលទឹកថ្លា៕

តុង សីហា