ភ្នំពេញ៖ ករណី តែzenya​ ក្លាយជាទឹកសាប៊ូធ្វើអោយនិស្សិតសកលវិទ្យាល័យបញ្ញាសាស្ត្រ រៀននៅសាខាផ្លូវ​ ព្រះនរោត្តមសង្កាត់ទន្លេបាសាក់​ ខណ្ឌចំការមនម្នាក់មានអាការះក្អួតចង្អោរ​ ត្រូវបញ្ជូនទៅសង្គ្រោះបន្ទាន់នៅមន្ទីរពេទ្យមេគង្គ។

ហេតុការណ៍នេះបានកើតឡើងកាលពីវេលាម៉ោង១២និង៣០នាទីថ្ងៃទី១៨​ ខែឧសភា​ ឆ្នាំ២០១៦​។

គេបានអោយដឹងថា​ មុនពេលកើតហេតុនិស្សិតឈ្មោះ អាត់ កញអាជ្ញា ភេទ ប្រុស អាយុ ១៩ឆ្នាំ រៀនថ្នាក់មូលដ្ឋាននៃសកលវិទ្យាល័យខាងក៏ចេញពីរៀន​ ចុះទៅរកញាំុទឹកភេសជ្ជះហើយបានដើរទៅបើកទូរដាក់ភេសជ្ជះយកតែzenyaមួយដបមកញាំុ​ ស្រាប់តែមានអាការះក្អួតចង្អោរ​ ។

ពេលនោះគេបានយកតែទៅចាក់មើល​ ស្រាប់តែមានពពុះសាប៊ូទៅវិញ។ ដោយស្ថានភាពអាការះចុកក្អួតចង្អោរមានលក្ខណះធ្ងន់ធ្ងរ​ ក៏ត្រូវបានមិត្តភ័ក្ត្ររៀនជាមួយគ្នានាំយកទៅសង្គ្រោះបន្ទាន់នៅមន្ទីរពេទ្យមេគង្គ៕​

ដោយ៖ ស​ សម