យន្តហោះដឹកអ្នកដំណើរបស់ក្រុមហ៊ុនអាកាសចរណ៍ អេហ្ស៊ីប អ៊ែរ បានបាត់ខ្លួនចេញពីប្រព័ន្ធរ៉ាដាពេលហោះហើរពីទីក្រុងប៉ារីសទៅកាន់ទីក្រុងកៃរ៉ូប ប្រទេសអេហ្ស៊ិប ។
បណ្តាញ Twitter របស់ក្រុមហ៊ុនអាកាសចរណ៍ Egypt Air នៅថ្ងៃទី១៩ ខែឧសភា ឆ្នាំ២០១៦ បានឲ្យដឹងថា យន្តហោះ មានលេខហោះហើរ MS 804 បានចាកចេញពីទីក្រុងប៉ារីសប្រទេសបារាំងនៅវេលាម៉ោង១១និង០៩នាទីយប់ ឆ្ពោះទៅកាន់ទីក្រុងកៃរ៉ូប្រទេសអេហ្ស៊ីបក៏បាត់ខ្លួនចេញពីប្រពន្ធរ៉ាដាតែម្តង។ តាមការប្រកាសរបស់ក្រុមហ៊ុនយន្តហោះខាងលើមានអ្នកដំណើរ ៥៩នាក់ និងក្រុមពហុនិកា ១០នាក់។
សារព័ត៌មាន ស្កាយញ៉ូវ បានផ្សាយថា សញ្ញាចុងក្រោយនៃយន្តហោះខាងលើគឺស្ថិតនៅលើដែនអាកាសប្រទេសក្រិច មានចម្ងាយពីទីក្រុងអាទែនប្រមាណ៤០នាទីនៃការហោះហើរ។ យន្តហោះខាងលើបានហោះហើរប្រមាណ៣ម៉ោងនិង៤០នាទី ការផ្តល់សញ្ញាចុងក្រោយគឺហោះហើរមានកម្ពស់ ៣៧ហ្វិតស្មើនឹង ១១,០០០ម៉ែត្រ។
តាមការប្រកាសរបស់ក្រុមហ៊ុន យន្តហោះបានបាត់ខ្លួនពេលហោះហើរចូលទៅកាន់ដែនអាកាសប្រទេសអេហ្ស៊ីបបានប្រមាណ១៦គីឡូម៉ែត្រ។ ក្រុមហ៊ុនក៏បានទំនាក់ទំនងជាមួយក្រុមជួយសង្គ្រោះអេហ្ស៊ីបទៅកាន់កន្លែងយន្តហោះបាត់ខ្លួនដើម្បីជួយសង្គ្រោះ។
អាកាសយានិកបើកបរខាងលើមានបទពិសោធហោះហើររហូតដល់ទៅ ៦ពាន់ម៉ោង ហើយជាយន្តហោះពិសេសមិនដែលដឹកទំនិញអ្វីនោះឡើយទុកសម្រាប់ដឹកតែអ្នកដំណើរជាន់ខ្ពស់តែប៉ុណ្ណោះ៕
ប្រែសម្រួល៖ ម៉ែវ សាធី
