ខេត្តកណ្ដាល៖​ មកពេលបច្ចុប្បន្ននេះ ដំណើរការស្តារឡើងវិញ ព្រែកកំពង់សំបួរ ស្ថិតនៅក្នុងឃុំព្រែកថ្មី ស្រុកកោះធំ ខេត្តកណ្តាល សម្រេចលទ្ធផលបានប្រមាណ ៦៥ភាគរយហើយ បន្ទាប់ពីបានបើកការដ្ឋានកាលពីថ្ងៃទី៨ ខែកុម្ភៈ ឆ្នាំ២០១៦ កន្លងទៅ ។

ការដ្ឋានស្តារឡើងវិញ ព្រែកកំពង់សំបួរ ប្រវែង ៣,៦៥០ម៉ែត្រ រួមជាមួយនឹងការសាងសង់ភ្លឺអមសងខាងព្រែកដោយក្រាលកំទេចថ្មសរុបប្រវែង ២,០០០ម៉ែត្រ និងសំណង់សិល្បការជាច្រើនកន្លែងទៀតគឺគ្រោងនឹងបញ្ចប់នៅអំឡុងខែវិច្ឆិកា ឆ្នាំ២០១៦ ខាងមុខ ។

ក្រោយពេលបញ្ចប់ការដ្ឋាននេះ ព្រែកកំពង់សំបួរ នឹងដើរតួនាទីនាំទឹក និងដីល្បប់ពីទន្លេបាសាក់ ទៅស្រោចស្រពដីស្រែរបស់បងប្អូនប្រជាកសិករប្រមាណ ២០០ហិកតា ។ ទន្ទឹមនឹងនោះភ្លឺអមសងខាងព្រែកក៏នឹងប្រែក្លាយទៅជាផ្លូវលំជនបទដ៏ប្រសើរសម្រាប់សម្រួលដល់ការធ្វើដំណើរ និងដឹកជញ្ជូនកសិផលរបស់បងប្អូនប្រជាពលរដ្ឋនៅតំបន់នោះផងដែរ ៕

ដោយ៖ សីលា