ក្លិប Leeds ត្រូវតែបង់ប្រាក់ឱ្យក្លិបអាល្លឺម៉ង់ RB Leipzig ចំនួន២១លានអឺរ៉ូ (១៨.៤លានផោន) បន្ទាប់ពីបណ្តឹងឧទ្ធរណ៍របស់ពួកគេប្រឆាំងនឹងការផ្ទេរកីឡាករ Jean-Kevin Augustin ត្រូវបានច្រានចោលដោយតុលាការអាជ្ញាកណ្តាលសម្រាប់កីឡា (CAS) ។
ក្លិប Leeds បានប្តឹងឧទ្ធរណ៍ប្រឆាំងនឹងការសម្រេចរបស់ FIFA កាលពីខែមិថុនាថា ពួកគេត្រូវតែគោរព “កាតព្វកិច្ចទិញ” របស់ពួកគេសម្រាប់ខ្សែប្រយុទ្ធដែលបានចូលរួមជាមួយក្នុងការខ្ចីជើងក្នុងឆ្នាំ២០២០។តុលាការអាជ្ញាកណ្តាលសម្រាប់កីឡា (CAS) បានរក្សាការសម្រេចចិត្តរបស់ FIFA ទាំងស្រុង ហើយបានបញ្ជាឱ្យក្លិប Leeds បង់ប្រាក់ដំបូងចំនួន៥.៩លានផោន ហើយក្លិបអះអាងថានឹងប្តឹងឧទ្ធរណ៍។
ក្លិប West Yorkshire បានចុះហត្ថលេខាលើកីឡាករ Augustin ក្នុងលក្ខខណ្ឌខ្ចីជើងពីក្លិប RB Leipzig កាលពីខែមករាឆ្នាំ២០២០ ជាមួយនឹងកាតព្វកិច្ចទិញកីឡាករសញ្ជាតិបារាំងរូបនេះក្នុងតម្លៃ២១លានអឺរ៉ូក្នុងកិច្ចសន្យារយៈពេល៥ឆ្នាំ ប្រសិនបើពួកគេធានាបានការបន្តនៅក្របខ័ណ្ឌ Premier League ក្នុងតម្លៃ២១លានអឺរ៉ូដោយត្រូវបង់៣លើក។
កីឡាករ Augustin ដែល បច្ចុប្បន្ន លេង ឱ្យ ក្រុម Basel របស់ ស្វីស បាន ជួប បញ្ហា កាយ សម្បទា និង របួស អំឡុង ពេល លេងនៅ Elland Road ដោយ បង្ហាញ ខ្លួន ក្នុង រយៈ ពេល៤៨នាទី ក្នុង ការ បង្ហាញ ខ្លួន ជំនួស៣ លើក។
Leeds បានឈ្នះការឡើងទៅកាន់ក្របខ័ណ្ឌ Premier League នៅចុងបញ្ចប់នៃរដូវកាល២០១៩–២០២០ ប៉ុន្តែបានជំទាស់ថា តើ“កាតព្វកិច្ចទិញ” សម្រាប់ Augustin ត្រូវបានបង្កឡើងដោយសារតែជំងឺរាតត្បាត Covid-19 បានរំខានដល់យុទ្ធនាការនេះ។
សេចក្តីថ្លែងការណ៍របស់តុលាការអាជ្ញាកណ្តាលសម្រាប់កីឡា (CAS) បានឲ្យដឹងថា “គណៈកម្មាធិកា CAS បានច្រានចោលបណ្តឹងឧទ្ធរណ៍ដែលបានដាក់ និងបញ្ជាក់ពីកាតព្វកិច្ចរបស់ LUFC ក្នុងការបង់ប្រាក់ទៅឱ្យ RB Leipzig នូវការដំឡើងថ្លៃផ្ទេរដំបូងលគឺ៦,៧៤០,១៧៤អឺរ៉ូ។ បន្ថែមលើការពិភាក្សារបស់ខ្លួន ក្រុមប្រឹក្សាភិបាលបានប្រកាន់ថា កាតព្វកិច្ចទិញត្រូវបានបង្កឡើងនៅចុងបញ្ចប់នៃរដូវកាល២០១៩–២០២០ ទោះបីជារដូវកាលបានបញ្ចប់យឺតជាងការរំពឹងទុកដោយសារតែការរំខានដែលបណ្តាលមកពីការរីករាលដាលនៃជំងឺរាតត្បាត Covid-19 ក៏ដោយ“។
ក្លិប Premier League បានប្រកាសនៅក្នុងសេចក្តីថ្លែងការណ៍មួយថា “Leeds United មានការភ្ញាក់ផ្អើល និងខកចិត្តចំពោះការសម្រេចចិត្តរបស់តុលាការអាជ្ញាកណ្តាលសម្រាប់កីឡា។ វាមិនត្រឹមតែផ្ទុយពីភាសា និងអត្ថន័យនៃកិច្ចសន្យាប៉ុណ្ណោះទេថែមទាំងការអនុវត្តដែលត្រូវបានអនុម័តនៅក្នុងបាល់ទាត់អឺរ៉ុបក្រោមបទប្បញ្ញត្តិរបស់ FIFA ដោយសារតែផលប៉ះពាល់ពិសេសនៃការពន្យារដល់រដូវកាលដែលចាំបាច់ដោយការពន្យារពេល Covid។ ឥឡូវនេះក្លិបនឹងពិនិត្យដោយប្រុងប្រយ័ត្ននូវជម្រើសផ្លូវច្បាប់ទាំងអស់របស់ខ្លួន ដោយមានគោលបំណងចង់ប្តឹងឧទ្ធរណ៍” ៕ (រូបភាព ៖ BBC Sport)
