ខេត្តកណ្តាល៖ យ៉ាងហោចណាស់ក៏មានមនុស្សចំនួន៥នាក់បានរងរបួសធ្ងន់ស្រាលក្នុងហេតុការគ្រោះថ្នាក់ចរាចរណ៍ម៉ូតូ២គ្រឿងបេីកបុកគ្នាកាលពីវេលាម៉ោង០៧និង៤៥នាទីថ្ងៃទី ១០ ខែវិច្ឆិកាឆ្នាំ២០២២ នៅលេីកំណាត់ផ្លូវជាតិលេខ ២ ភូមិ ព្រៃតាតូច ឃុំ បឹងខ្យាង ស្រុកកណ្ដាលស្ទឹង ខេត្តកណ្ដាល។
តាមប្រភពព័ត៌មានឲ្យដឹងថា មុនពេលកេីតហេតុគេបានឃេីញម៉ូតូម៉ាកហុងដាប៊ិតពណ៌ខ្មៅលាយសពាក់ស្លាកលេខតាកែវ 1Z-5907 បើកបរដោយឈ្មោះនី សុជាតា ភេទស្រី អាយុ ១៧ឆ្នាំនិងរួមដំណើរដោយឈ្មោះ សេង យូនិច ភេទ ស្រី អាយុ ២១ឆ្នាំ អ្នកទាំងពីរមានទីលំនៅភូមិស្វាយ ឃុំសំរោងស្រុកសំរោង ខេត្តតាកែវ ធ្វេីដំណេីរក្នុងទិសដៅពីជើងទៅត្បូង ខណៈមកដល់ចំណុចកេីតហេតុស្រាប់តែមានម៉ូតូហុងដាឌ្រីម ពណ៌ខ្មៅពាក់ស្លាកលេខភ្នំពេញ 1JM-2610 បេីកបរដោយឈ្មោះ ពុំ ពឿន ភេទ ប្រុស អាយុ ៤២ ឆ្នាំរបួសស្រាល អ្នករួមដំណើរពីរនាក់ទី១ ឈ្មោះ នី រស់ ភេទ ស្រី អាយុ ៤១ ឆ្នាំ (របួសស្រាល)ទី២ ឈ្មោះ ពុំ គឹមណាង ភេទ ប្រុស អ្នកទាំងបីមានទីលំនៅ ភូមិក្រូចឃុំពត់សរស្រុកបាទី ខេត្ត តាកែវ បត់ឆ្លងផ្លូវក្នុងទិសដៅពីលិចទៅកើត គេចមិនទាន់ក៏ជ្រុលបុកពេញទំហឹងបណ្តាលរងរបួសធ្ងន់ស្រាលទាំង៥នាក់។
ក្រោយកេីតហេតុជនរងគ្រោះត្រូវបានបញ្ជូនៅសង្គ្រោះនៅមន្ទីរពេទ្យភ្លាមៗចំណែកម៉ូតូត្រូវបានសមត្ថកិច្ចធ្វេីការវាស់វែងយកទៅរក្សាទុករងចាំដោះស្រាយពេលក្រោយ៕
ដោយ៖សុខាសែនជ័យ
