នៅពេលនេះប្រទេសអារ៉ាប៊ីសាអូឌិតបានស្នើរឲ្យប្រើប្រាសផែនការ B សម្រាប់ដោះស្រាយវិបត្តិនៅក្នុងប្រទេសស៊ីរី ហើយផែនការនោះគឺលោក អាលអាសាដ ត្រូវតែចាក់ចេញពីដំណែងជាដាច់ខាតបើមិនចុះចេញនឹងត្រូវទទួលរងការវាយប្រហារ។
ប្រទេសលោកខាងលិចបានឡើងគម្រោងនោះរួចជាស្រចតាំងពីពេលសង្គ្រាមស៊ីវិលចាប់ផ្តើមឡើងមកម៉្លោះ។ ប៉ុន្តែមិនទាន់ដល់ពេលដែលលោកខាងលិចអនុវត្តផែនការទាំងនោះ។ នៅពេលនេះប្រធានាធិបតីស៊ីរីនៅមានតែរុស្ស៊ីប៉ណ្ណោះជាខ្នងបង្អែក។
កន្លងមកប្រធានាធិបតីបារាំងបានបញ្ជាក់ថា ការជ្រៀតជ្រែកដោយកម្លាំងយោធារបស់រុស្ស៊ីនៅក្នុងទឹកដីស៊ីរីអាចជួយដល់កម្លាំងទាហានស៊ីរីយកឈ្នះក្រុមអ៊ិស្លាមបង្កើតរដ្ឋតែមិនអាចជួយស្រោចស្រង់ប្រធានាធិបតី អាល់អាសាដ បានដែរ។
មានប្រសាសន៍ក្រោយកិច្ចប្រជុំសហគមន៍អឺរ៉ុប ប្រធានាធិបតីបារាំងលោក ហ្វ្រាំងស័រហូឡង់ បញ្ជាក់ថា ការជ្រៀត ជ្រែករបស់រុស្ស៊ីនៅក្នុងប្រទេសស៊ីរីមិនអាចជួយដល់រដ្ឋាភិបាលរបស់ប្រធានាធិបតីលោក អាល់អាសាដ នោះឡើយ។
មកទល់ពេលនេះអាមេរិក រុស្ស៊ី អង់គ្លេស បារាំង អ៊ីរ៉ង់ អារ៉ាប់ កាតា និង ទួរគីបានចូលរួមក្នុងសង្គ្រាមនៅប្រទេសស៊ីរី ។ ប៉ុន្ដែគោលដៅចូលរួមផ្សេងគ្នា ការវាយប្រហារក៏ខុសគ្នាដែរ។ កន្លងមកបារាំងក៏បានសម្រេចដើរតួនាទីសំខាន់នៅក្នុងការបង្កើនសម្ព័ន្ធមិត្ដវាយប្រហារទៅលើក្រុមអ៊ិស្លាមបង្កើតរដ្ឋ។
ពាក់ព័ន្ធទៅនឹងការប្រតិកម្មរបស់សហគមន៍អឺរ៉ុបក្រោយពេលរុស្ស៊ីចាប់ផ្ដើមវាយប្រហារតាមដែនអាកាសទៅលើក្រុមអ៊ិស្លាមបង្កើតរដ្ឋជួយដល់រដ្ឋាភិបាលរបស់ប្រធានាធិបតីលោក អាល់អាសាដ តំណាងសហគមន៍អឺរ៉ុបមិនបានពិភាក្សាបន្ថែមក្នុងការដាក់ទណ្ឌកម្មទៅលើរុស្ស៊ីទៀតឡើយ។
ប៉ុន្ដែអឺរ៉ុបអាចនឹងអនុម័តដាក់ទណ្ឌកម្មបន្ថែមទៅលើប្រទេសរុស្ស៊ីប្រសិនបើការវាយប្រហារមិនសំដៅទៅលើក្រុមភេរវកម្មទេនោះ។ អឺរ៉ុបក៏ដូចជាអាមេរិកកំពុងតែតាមដានយ៉ាងយកចិត្ដទុកដាក់រាល់សកម្មភាពយោធារបស់រុស្ស៊ីខ្លាចរុស្ស៊ីមិនវាយប្រហារទៅលើក្រុមអ៊ិស្លាមបង្កើតរដ្ឋដោយវាយប្រហារទៅលើកម្លាំងក្រុមប្រឆាំងរដ្ឋាភិបាលដែលអាមេរិកគាំទ្រនោះ ។
ការព្រួយបារម្ភពីការប៉ះទង្គិចគ្នារវាងអាមេរិកនឹងរុស្ស៊ីនៅក្នុងប្រទេសស៊ីរីកាន់តែខ្លាំងឡើងក្រោយពេលយន្ដហោះចម្បាំងប្រទេសទាំងពីរបានហោះហើរកៀកគ្នានៅក្នុងដែនអាកាសតែមួយ ។
រដ្ឋមន្ដ្រីការពារជាតិអាមេរិកលោក Ash Carter បានថ្លែងថា លោកមានក្ដីសង្ឃឹមថានឹងអាចរកដំណោះស្រាយចំពោះបញ្ហានេះនាពេលឆាប់ៗ ។ ភាគីរុស្ស៊ីបានអះអាងដែរថា ខ្លួននឹងបញ្ជូនមនុស្សថ្មីដើម្បីឱ្យធ្វើកិច្ចការនេះ ។ ទោះបីជាយ៉ាងណាក៏ដោយការលើកឡើងថា បើទោះបីមានការពិភាក្សារវាងអាមេរិកនិងរុស្ស៊ីយ៉ាងណាក្ដីក៏ប្រតិបត្ដិការយោធារបស់ប្រទេសទាំងពីរនៅលើដែនអាកាសស៊ីរីសុទ្ធតែរឿងមិនត្រឹមត្រូវទាំងអស់ ។
ប្រទេសលោកខាងលិចនិងក្រុមសកម្មជនក្នុងប្រទេសស៊ីរីបាននិយាយថា យន្ដហោះចម្បាំងរុស្ស៊ីបានបាញ់ប្រហារទៅ លើគោលដៅដែលពុំមានក្រុមឧទ្ទាមគឺធ្លាក់ទៅលើគោលដៅជនស៊ីវិលរស់នៅនិងធ្លាក់ទៅលើក្រុមប្រឆាំងរដ្ឋាភិបាលស៊ីរី ។
ក្រុមប្រឆាំងរដ្ឋាភិបាលស៊ីរីបាននាំគ្នាធ្វើបាតុកម្មនៅមុខស្ថានទូតរុស្ស៊ីប្រចាំនៅទីក្រុងដាម៉ាកាសប្រឆាំងចំពោះប្រតិបត្ដិការតាមដែនអាកាសរបស់កម្លាំងទាហានរុស្ស៊ី ៕
ប្រែសម្រួល៖ ម៉ែវសាធី
