ភ្នំពេញ ៖ កម្មករសំណង់ស្នាក់នៅក្នុងក្រុមហ៊ុនជីបម៉ុងផឹកសុីស្រវឹងកាប់គ្នាប្រាវរងរបួស៣នាក់ ត្រូវខាងសន្តិសុខក្រុមហ៊ុនឃាត់បានតែភាគីរងគ្រោះ។
ករណីនេះកើតឡើងកាលពីវេលាម៉ោង១៥និង១០នាទីថ្ងៃទី២៩ខែឧសភា ឆ្នាំ២០១៦ នៅចំណុចក្នុងរោងកម្មករក្រុមហ៊ុនជីបម៉ុងឡែនក្រុម៧ ភូមិបាយាប សង្កាត់ភ្នំពេញថ្មី ខណ្ឌសែនសុខ។
ជនរងគ្រោះទី១ឈ្មោះ ប៉ុន សុខុម ភេទប្រុស អាយុ២៤ឆ្នាំ មុខរបរធ្វើសំណង់ ស្នាក់នៅក្នុងរោងកម្មករកន្លែងកើតហេតុ ទី២ឈ្មោះ ច្រឹក ឃ្លោក ភេទប្រុស អាយុ១៨ឆ្នាំ មុខរបរធ្វើសំណង់ នៅក្នុងមណ្ឌលឱកាសខ្ញុំ ទី៣ឈ្មោះ សុខ វាសនា អាយុ១៩ឆ្នាំមុខរបរធ្វើសំណង់ ទាំង២នាក់នេះស្នាក់ នៅក្នុងមណ្ឌលឱកាសខ្ញុំធ្វើជាកម្មករសំណង់នៅទីនោះ។ ហើយអ្នកទាំង៣មានស្រុកកំណើតនៅភូមិសំរោង ឃុំពោធិ ស្រុកកំពង់លែង ខេត្តកំពង់ឆ្នាំង។
ប្រភពព័ត៌មានពីយុវជនរងគ្រោះទាំង៣នាក់បានអោយដឹងថាមុនពេលកើតហេតុពួកគេបានអង្គុយផឹកស្រាថ្នាំអស់៣លីត្រកន្លះនៅក្នុងរោងកម្មករហើយក្រោយមកក៏កើតជាជំលោះវាយកាប់គ្នាបណ្តាលអោយភាគីម្ខាងមានគ្នា៣នាក់រងរបួសស្រាលហើយក្រុមបង្ករបានរត់គេចខ្លួនអស់សល់តែអ្នករងគ្រោះទាំង៣ក៏ត្រូវសន្តិសុខក្រុមហ៊ុនឃាត់ខ្លួនយកមកប្រគល់អោយសមត្ថកិច្ចប៉ុស្តិ៍ភ្នំពេញថ្មី។
ប្រភពព័ត៌មានពីសន្តិសុខដែលចាប់មកប្រគល់អោយសមត្ថកិច្ចបានអោយដឹងថានៅមុនពេលកើតហេតុគេឃើញក្រុមកម្មករទាំងនេះបាននាំគ្នាផឹកសុីលុះដល់ម៉ោងកើតហេតុក៍កើតមានជំលុះវាយកាប់គ្នាទៅវិញទៅមកទើបគាត់ឃាត់ខ្លួនមកប្រគល់អោយសមត្ថកិច្ចតែម្តង។
នៅពេលមកដល់ប៉ុស្តិ៍នគរបាលរដ្ឋបាលភ្នំពេញថ្មីសមត្ថកិច្ចក៏បានធ្វើសាវតាជាតិហើយអោយត្រឡប់ទៅផ្ទះវិញ៕
ដោយតុង សីហា
