សហរដ្ឋអាមេរិកត្រៀមនឹងបញ្ចេញយន្តហោះចម្បាំងជំនាន់ទី៦ដំបូងរបស់ខ្លួន

ចែករំលែក៖

កងទ័ពអាកាសអាមេរិកគ្រោងនឹងដាក់បង្ហាញយន្តហោះបំបាំងកាយថ្មីបំផុតរបស់ខ្លួនគឺ B-21 Raider នៅថ្ងៃទី២ ខែធ្នូ ដើម្បីជំនួសយន្តហោះ B-1 និង B-2 ។

យោងតាមសារព័ត៌មាន NDTV កងទ័ពអាកាសអាមេរិកបានប្រកាសថា B-21 Raider ជា “យន្តហោះយោធាទំនើបបំផុតមិនធ្លាប់មាន”។ នេះគឺជាផលិតផលរបស់ក្រុមហ៊ុន Northrop Grumman Corporation (USA) ដែលជាកម្មសិទ្ធិរបស់យន្តហោះចម្បាំងជំនាន់ទីប្រាំមួយដំបូង។
គេហទំព័ររបស់ក្រុមហ៊ុនផលិតសព្វាវុធ បានប្រកាសថា យន្តហោះទម្លាក់គ្រាប់បែក B-21 Raider ជំនន់ទី៦ កំពុងត្រូវបានសាកល្បងនៅឯកន្លែងមួយក្នុងទីក្រុង Palmdale រដ្ឋ California ។ Northrop Grumman បានទទួលកិច្ចសន្យាក្នុងការរចនា និងផលិត “យន្តហោះយោធាទំនើបបំផុតរបស់ពិភពលោកនេះ តាំងពីឆ្នាំ ២០១៥មក ។
យន្តហោះ B-21 Raider ត្រូវបានដាក់ឈ្មោះតាម Doolittle Raiders ដែលជាក្រុមអ្នកបើកយន្តហោះទម្លាក់គ្រាប់បែក B-21 និងអាកាសយានិកដ៏ល្បីល្បាញពីសង្គ្រាមលោកលើកទីពីរ។ ក្រុមនេះបានធ្វើការវាយប្រហារលើទីក្រុងតូក្យូ – ជប៉ុននៅថ្ងៃទី ១៨ ខែមេសាឆ្នាំ1942 ជាច្រើនខែបន្ទាប់ពីការវាយប្រហាររបស់ជប៉ុនលើកំពង់ផែ Pearl ។
កាសែត Daily Mail បានរាយការណ៍ថា កងទ័ពអាកាសអាមេរិកបានចំណាយប្រាក់ចំនួន ២០៣ពាន់លានដុល្លារ លើកម្មវិធីអភិវឌ្ឍន៍ B-21 Raider ។ តំណាងក្រុមហ៊ុន Northrop Grumman លោក Dough Young បានពណ៌នាអំពីយន្តហោះនេះថាជា “avant-garde” ដែលមាន “បច្ចេកវិទ្យាដ៏អស្ចារ្យ” ។
ទោះបីជាយ៉ាងណាក៏ដោយ ព័ត៌មានពេញលេញអំពីយន្តហោះ B-21 Raider ត្រូវបានរក្សាទុកជាសម្ងាត់រហូតមកដល់ពេលនេះ រួមទាំងរូបភាពនៃយន្តហោះផងដែរ។ វីដេអូដែលចេញផ្សាយដោយ Northrop Grumman បង្ហាញតែរូបរាងរបស់យន្តហោះដែលលាក់នៅក្រោមគម្រប។
Defence One រាយការណ៍ថា B-21 Raider ត្រូវបានគេនិយាយថានឹងប្រើប្រាស់បច្ចេកវិទ្យាបំបាំងកាយដែលមិនធ្លាប់មានពីមុនមក ដើម្បីបញ្ចៀសការរកឃើញរបស់សត្រូវ ហើយអាចហោះហើរដោយមាន ឬគ្មានអ្នកបើកបរ។ យន្តហោះ B-21 Raider នីមួយៗគឺមានតម្លៃប្រហែល 2 ពាន់លានដុល្លារអាមេរិក ដែលរំពឹងថានឹងដំណើរការនៅដើមឆ្នាំ ២០២៣៕ដោយធីរីណា