ភ្នំពេញ ៖ ក្រោយពីបានឆ្លងកាត់ការ ប្រកួតអស់រយៈពេល៥សបា្ដហ៍កន្លងទៅ ក្រុមឪម៉ាល់ក៏បានឡើងទៅជួបក្រុម Premium.SC នៅវគ្គផ្ដាច់ព្រ័ត្រកាលពី ព្រឹកថ្ងៃទី២៥ ខែកក្កដា ឆ្នាំ២០១៥ដោយ ទទួលបានជ័យជម្នះលើក្រុម Premium. SC ក្នុងលទ្ធផល ៣-០ ។
ដោយឡែកក្រុម Valentine FC បាន ប្រកួតចាញ់ក្រុម Sandwich Bokor ក្នុង លទ្ធផល ៧-០ ដើម្បីដណ្ដើមយកចំណាត់ ថ្នាក់លេខ៣ប្រចាំព្រឹត្ដិការណ៍ពានរង្វាន់បាល់ទាត់ Sport KH Futsal Cup 2015។
នៅក្នុងការប្រកួតលើស្មៅសិប្បនិ មិត្ដនាព្រឹកថ្ងៃអាទិត្យ ទី២៦ ខែកក្កដា នោះក្រុម Valentine FC និងក្រុម Sandwich Bokor ត្រូវបានគណៈកម្ម ការរៀបចំការប្រកួតមិនផ្ដល់ប្រាក់រង្វាន់ ដោយមានការសង្ស័យថា ក្រុមទាំង២ សុទ្ធតែដាក់កីឡាករអាជីពចូលលេង ដូចៗគ្នា ។
ទន្ទឹមនឹងការតម្ដល់ប្រាក់រង្វាន់ចំណាត់ ថ្នាក់លេខ៣ខាងលើនេះដែរ លោក រតនា អ្នកគ្រប់គ្រងកម្មវិធីប្រកួតបានឱ្យដឹង ថា ដោយសារតែក្រុម Valentine FC កំពុងស្ថិតនៅក្នុងការសង្ស័យរបស់អាជ្ញាកណ្ដាលហេតុដូច្នេះហើយលទ្ធផលរបស់ក្រុមទាំង២រួមជាមួយនឹងប្រាក់រង្វាន់ ៥០ម៉ឺនរៀល និងមេដាយសំរឹទ្ធិ១២គ្រឿង ត្រូវតម្ដល់ទុកជាបណ្ដោះអាសន្នរង់ចាំ ការស៊ើបអង្កេតពីគណៈកម្មការវាយ តម្លៃកម្មវិធីប្រកួត Sport KH ជាមុន សិន ។
លោកបានបន្ដទៀតថា ប្រសិនបើ ក្រុមទាំង២ខាងលើត្រូវបានគណៈកម្មការ រកឃើញថា ពួកគេពិតជាបានដាក់កីឡា ករអាជីពចូលលេងប្រាកដមែនប្រាក់ រង្វាន់ចំនួន៥០ម៉ឺនរៀល នឹងត្រូវយកទៅ បរិច្ចាគដល់មណ្ឌលកុមារកំព្រាណាមួយ ដែលក្រុមគណៈកម្មការគិតថា ពួកគេ ជួបការខ្វះខាត ។
ក្រៅពីក្រុម Valentine FC និងក្រុម Sandwich Bokor ខាងលើនេះ លោក រតនា ក៏បានបញ្ជាក់ថា ក្រុម Pavillon D´Asie ក៏បានជាប់នៅក្នុងបញ្ជីខ្មៅ សម្រាប់ព្រឹត្ដិការណ៍បាល់ទាត់ហ្វ៊ូតសាល Sport KH ផងដែរ ។
ដូច្នេះប្រសិនបើ Sport KH រៀបចំ ការប្រកួតបែបនេះម្ដងទៀតនៅពេល ណាគណៈកម្មការមិនអនុញ្ញាតឱ្យក្រុម ទាំង៣ដែលបានបំពានលក្ខខណ្ឌប្រកួត នឹងមិនឱ្យចូលរួមប្រកួតបន្ដទៅទៀត ឡើយ ។
ក្រោយពីបំពាក់មេដាយជូនដល់ក្រុម ឪម៉ាល់រួចមកតំណាងក្រុមឪម៉ាល់បាន លើកឡើងថាការប្រកួតបាល់ទាត់ហ្វ៊ូតសាលដែលរៀបចំដោយគេហទំព័រ Sport KH.Com ពិតជាល្អដោយសារ តែបានផ្ដល់ឱកាសដល់យុវជនមួយចំនួនចង់លេងកីឡាបាល់ទាត់ជាលក្ខណៈមិន អាជីពបានបញ្ចេញសមត្ថភាពនៅលើ ទីលានដូចកីឡាករអាជីពដទៃៗទៀតដែរ។
តំណាងក្រុមឪម៉ាល់រូបនេះបានឱ្យដឹង ទៀតថា ចំពោះការប្រកួតបាល់ទាត់់ លក្ខណៈមិនមែនអាជីពក៏បានផ្ដល់ឱកាស មួយសម្រាប់យុវជនមកពីគ្រប់ទិសទី បានស្គាល់គ្នានិងទំនាក់ទំនងគ្នាក្នុងស្មា រតីសាមគ្គីភាព-មិត្ដភាព និងបានជៀ សឆ្ងាយពីការប្រើប្រាស់គ្រឿងញៀន និងសេពគប់មិត្ដមិនល្អផងដែរ ។ គួររំលឹកថា ក្រុមឪម៉ាល់ជាប់ចំណាត់ ថ្នាក់លេខ១ទទួលបានពានរង្វាន់១ មេដាយ មាសម្នាក់១គ្រឿង ថវិកាចំនួន៤លាន រៀល ។
ចំណាត់ថ្នាក់លេខ២បានទៅក្រុម Premium SC ទទួលបានមេដាយប្រាក់ ម្នាក់១គ្រឿង អមជាមួយថវិកាចំនួន១ លានរៀល ។ ដោយឡែកចំណាត់ថ្នាក់លេខ៣ ត្រូវតម្ដល់រង្វាន់មេដាយសំរឹទ្ធិនិងថវិកាចំនួន៥០ម៉ឺនរៀលទុកជាបណ្ដោះអាសន្ន រង់ចាំការស៊ើបអង្កេតទើបសម្រេចជា ក្រោយ ៕ សារីម
