ភ្នំពេញ ៖ ថ្លែងនៅក្នុងកម្មវិធីបិទការ ប្រកួតជ្រើសរើសជើងឯកប្រចាំឆ្នាំ២០១៥ របស់សហព័ន្ធកីឡាតុងហ្គីលម៉ូដូកម្ពុជា នៅទីស្នាក់ការគណៈកម្មាធិការជាតិ អូឡាំពិកកម្ពុជាកន្លងទៅ លោកជ័យ ចាប ទីប្រឹក្សារាជរដ្ឋាភិបាលនៃព្រះរាជា ណាចក្រកម្ពុជា និងជាទីប្រឹក្សាសម្ដេច ចៅហ្វាវាំង ឧបនាយករដ្ឋមន្ដ្រី រដ្ឋមន្ដ្រី ក្រសួងព្រះបរមរាជវាំងនិងជាប្រធាន សហព័ន្ធកីឡាតុងហ្គីលម៉ូដូកម្ពុជាបាន លើកឡើងថា ហាត់កីឡាដើម្បីសុខភាព និងទុកគ្រាន់ការពារខ្លួនឬក៏ការពារបង ប្អូនមិត្ដភក្ដិ ប៉ុន្ដែគ្រប់បញ្ហាដែលកើត ឡើងយើងត្រុវដោះស្រាយដោយសន្ដិវិធីចៀសវាងការប្រើអំពើហិង្សា ។
លោក ជ័យ ចាប បន្ដទៀតថា កីឡាករ កីឡាការិនីតុងហ្គីលម៉ូដូទាំងអស់ហាត់ ដើម្បីសុខភាពមិនមែនសម្រាប់យកទៅបង្កបញ្ហាវាយតប់ឬធ្វើជាបងធំបងតូច នោះទេ ប៉ុន្ដែយើងអាចការពារខ្លួនបាន ប្រសិនបើមាននរណាម្នាក់មានបំណង ចង់ធ្វើបាបយើងដោយប្រការណាមួយ ។
ទន្ទឹមនឹងការប្រើប្រាស់ក្បាច់គុនតុងហ្គីលម៉ូដូទៅលើជនដែលបានប្រព្រឹត្ដ ខុសមកលើរូបយើងគ្រប់គ្នាត្រុវព្យា យាមដោះស្រាយបញ្ហាខាងលើដោយ សន្ដិវិធីជាមុនសិនចៀសវាងប្រើអំពើ ហិង្សានាំឱ្យខុសទៅនឹងច្បាប់ប្រទេស ជាតិឈានទៅជាប់ទោសទណ្ឌ ។
លោក ចំរើន សុផល អគ្គលេខាធិការ សហព័ន្ធកីឡាតុងហ្គីលម៉ូដូបានឱ្យដឹងថា ចំពោះកម្មវិធីប្រកួតកីឡាតុងហ្គីលម៉ូដូ ជ្រើសរើសជើងឯកប្រចាំឆ្នាំ២០១៥ របស់សហព័ន្ធកីឡាតុងហ្គីលម៉ូដូកម្ពុជាមាន កីឡាករ កីឡាការិនីសរុប៦៣នាក់ ក្នុងនោះមានកីឡាការិនី ចំនួន១៦នាក់ ។
លោកបានបន្ដថា ចំពោះវិញ្ញាសា ប្រកួតបានចែកចេញជា៣មានដូចជា ប្រកួតមេគុនសម្ដែងតាមចង្វាក់ភ្លេង, ប្រកួតវិញ្ញាសាផ្នែកប្រយុទ្ធបុរសមាន ៣ប្រភេទទម្ងន់គឺទម្ងន់៥៥គីឡូក្រាម មានកីឡាករ២១នាក់, ៦០គីឡូក្រាម មានកីឡាករ៥នាក់និងទម្ងន់៦៥គីឡូ ក្រាមមានកីឡាករ៩នាក់។ រីឯវិញ្ញាសា ប្រយុទ្ធផ្នែកនារីមាន២ប្រភេទទម្ងន់ គឺទម្ងន់៤៥គីឡូក្រាមមានកីឡាការិនី៤ នាក់និងទម្ងន់៥០គីឡូក្រាមមានកីឡា ការិនី៤នាក់ ។
ចំណាត់ថ្នាក់លេខ១វិញ្ញាសាប្រយុទ្ធ ផ្នែកនារីប្រភេទទម្ងន់៥០គីឡូក្រាមបានទៅលើកីឡាការិនី សេង គឹមឈួន ទទួល បានមេដាយមាស១គ្រឿង, ចំណាត់លេខ ២បានទៅលើកីឡាការិនី សយ សុភាព ទទួលបានមេដាយប្រាក់១គ្រឿង និង ចំណាត់ថ្នាក់លេខ៣បានទៅលើកីឡាកា រិនី ថេត សុជីណា ទទួលបានមេដាយ សំរឹទ្ធិ ។ វិញ្ញាសាប្រយុទ្ធនារីប្រភេទទម្ងន់ ៤៥គីឡូក្រាមចំណាត់ថ្នាក់លេខ១បាន ទៅលើកីឡាការិនី សែម សុភា, ចំណាត់ ថ្នាក់លេខ២កីឡាការិនី ម៉ាន សីមា និង លេខ៣កីឡាការិនី គុច ស្រីមាន លេខ៣ ស្ទួន កីឡាការិនី សួង អាលីហ្សា ។
វិញ្ញាសាប្រយុទ្ធផ្នែកបុរសទម្ងន់៥០គីឡូក្រាម និង៥៥គីឡូក្រាមចំណាត់ ថ្នាក់លេខ១បានទៅលើកីឡាករ នី បូរ៉ាន់, លេខ២កីឡាករ សុន ពិសី និងចំណាត់ ថ្នាក់លេខ៣កីឡាករចាន់ វិចិត្រ ។ វិញ្ញាសាប្រយុទ្ធផ្នែកបុរសទម្ងន់៦០គីឡូ ក្រាមចំណាត់ថ្នាក់លេខ១បានទៅលើ កីឡាករ សេក ភិគុនពិទី, ចំណាត់ថ្នាក់ លេខ២ កីឡាករ វ៉ែន កញ្ញា និងចំណាត់ ថ្នាក់លេខ៣ កីឡាករ វ៉ាន់ ស័ក្ដិសម លេខ៣ស្ទួន កីឡាករ សេង សិលា ។
វិញ្ញាសាប្រយុទ្ធបុរសប្រភេទទម្ងន់ ៦៥គីឡូក្រាមចំណាត់ថ្នាក់លេខ១បាន ទៅលើកីឡាករ លុក វុទ្ធី, ចំណាត់ថ្នាក់ លេខ២កីឡាករទូច ច័ន្ទណារ៉ូ, ចំណាត់ ថ្នាក់លេខ៣កីឡាករ ឃា ម៉េងហុង និង លេខ ៣ស្ទួន កីឡាករ ឡែត វ៉ាន់លីន ៕សារីម
