ភ្នំពេញ៖ លោកលោក Imai Toshiaki គ្រូបង្វឹករបស់ក្រុមជម្រើសជាតិចិនតៃប៉ិបានបដិសេធមិនធ្វើអត្ថាធិប្បាយជុំវិញរឿងកីឡា ករពាក់អាវលេខ១៧ឈ្មោះថា Chen Po-Liang ឡើយក្នុងសន្និសីទសារព័ត៌មាននាព្រឹកថ្ងៃទី៦ ខែមិថុនា ឆ្នាំ២០១៦ ដោយ លោកប្រាប់ថា នេះគឺជារឿងសម្ងាត់ក្នុងក្រុមរបស់លោក ។

ការប្រកួតបាល់ទាត់ជើងទី២វគ្គជម្រុះបឋមនៃព្រឹត្តិការណ៍ AFC ASIAN Cup UAE 2019 ដែលនឹងចាប់ផ្តើមនាវេលាម៉ោង៦និង៣០នាទីល្ងាចថ្ងៃទី៧ ខែមិថុនា ឆ្នាំ ២០១៦នេះ ទំនងជាគ្មានវត្តមានកីឡាករដ៏សំខាន់របស់ចិនតៃប៉ិឈ្មោះ Chen Po-Liang ទេ ដោយសារតែកីឡាកររូបនេះរង របួសបាក់ដៃក្នុងពេលហ្វឹកហាត់កាលពីថ្ងៃទី៤ ខែមិថុនា ឆ្នាំ២០១៦កន្លងទៅ។

បើទោះបីមានការសាកសួរជាច្រើនលើកច្រើនសាពីបណ្តាអ្នកសារព័ត៌មានក្នុងស្រុកក៏ដោយ ក៏គ្រូបង្វឹករូបនេះនៅតែ ព្យាយាមលាក់និងមិនព្រមឆ្លើយតបនឹង សំណួររបស់អ្នកសារព័ត៌មានដែរដោយ អះអាងថា នេះគឺជារឿងសម្ងាត់របស់ក្រុម ខ្លួន ។

ជំនួបប្រកួតរវាងក្រុមជម្រើសជាតិកម្ពុជា នឹងក្រុមចិនតៃប៉ិខាងលើនេះបញ្ជរលក់សំបុត្រទស្សនាបាល់ទាត់បានបិទទ្វារតាំងពីវេលាម៉ោង២រសៀលថ្ងៃទី៤ ខែមិថុនា ដោយ ក្រុមការងារលក់សំបុត្រអះអាងថា សំបុត្របានលក់អស់ប្រមាណ៥០.០០០កន្លែងតាំងពី២ថ្ងៃមុនមកម្ល៉េះ ។

តាមព័ត៌មានដែលលាក់លៀមបំផុតនោះកីឡាករលេខ១៧របស់ចិនតៃប៉ិបាន វិលត្រឡប់ទៅស្រុកវិញបន្ទាប់ពីហ្វឹកហាត់ហើយមានរបួសបាក់ឆ្អឹងដៃនោះ ។

លោក Imai Toshiaki បានចាត់ទុកថា ការប្រកួតថ្ងៃនេះគឺជាការប្រកួតមួយដ៏ លំបាកសម្រាប់ក្រុមរបស់លោកដែល លេងមិនបានជោគជ័យលើទឹកដីរបស់ខ្លួន ។ ប៉ុន្តែលោកបានបញ្ជាក់ថាក្រុមរបស់លោកនឹងលេងខ្លាំងជាងមុននិងអស់ពីសមត្ថភាពទោះបីលេងនៅក្រៅទឹកដីខ្លួនក៏ដោយ ។

ដោយឡែកគ្រូបង្វឹកសញ្ជាតិកូរ៉េខាង ត្បូងរបស់ក្រុមជម្រើសជាតិកម្ពុជាគឺលោកTae Hoon Lee បានបដិសេធមិនបង្ហាញពីឈ្មោះកីឡាករដែលលោកត្រូវដាក់ឲ្យប្រកួតនោះឡើយ ។ លោក Tae Hoon Lee បាន ប្រាប់ថា ចំពោះទម្រង់លេងក្រៅផ្ទះនិងក្នុង ផ្ទះគឺផ្សេងគ្នា ។

គួរបញ្ជាក់ថា ការប្រកួតថ្ងៃនេះប្រសិនកម្ពុជារក្សាបាននូវលទ្ធផល ០ទល់០ ឬ ១ ទល់១ ក៏កម្ពុជាមានកៅអី ឡើងទៅប្រកួត វគ្គបន្តដែលមានក្រុមកាន់តែខ្លាំងៗ ប៉ុន្តែ បើលេងចាញ់ចិនតៃបិុឬក៏ក្នុងលទ្ធផល ២ ទល់២ការប្រកួតនឹងត្រូវបន្ដដល់១២០នាទីដើម្បីកាត់សេចក្តី ៕

ដោយ៖ សារីម