ភ្នំពេញ : បងប្អូន២នាក់ជួញដូរគ្រឿងញ្ញៀនត្រូវបានកម្លាំងនគរបាលខណ្ឌចំការមនធ្វើការឃាត់ខ្លួននិងដកហូតក្រាមសថ្លាបាន១៣កញ្ចប់តូចនិងជញ្ជឹងសំរាប់ថ្លឹងថ្នាំញ្ញៀន១និងមូ៉តូឌ្រីមសង់សេ១២៥សេរី២០១៤១គ្រឿងនាំយកមកអធិការដ្ឋាននគរបាលខណ្ឌចំការមនដើម្បីសាកសួរបន្ត កាលវេលាម៉ោង៥និង៣០នាទីល្ងាចថ្ងៃទី០៨ ខែ មិថុនា ឆ្នាំ ២០១៦នៅបន្ទប់ជួលក្នុងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ ។
លោក ហ៊ាង ថារ៉េត អធិការរងខណ្ឌចំការមនបានប្រាប់អោយដឹងថាកំលាំងល្បាតប៉ុស្តិ៍ផ្សារដើមថ្កូវនិងនគរបាលប៉ុស្តិ៍ទំនប់ទឹក ។ដោយឃាត់ខ្លួនបានជនសង្ស័យ២ម្នាក់ទី១មានឈ្មោះ ជា អាគី ភេទប្រុស អាយុ២០ឆ្នាំមុខរបរមិនពិតប្រាកដស្នាក់នៅបន្ទប់ជួលសង្កាត់ផ្សារដើមថ្កូវ ខណ្ឌចំការមនជនសង្ស័យទី២មានឈ្មោះ ជា ដារា៉ ភេទប្រុស អាយុ៣១ឆ្នាំមុខរបរមិនពិតប្រាកដនៅស្នាក់នៅបន្ទប់ខាងលើជាមួយគ្នា។
បើតាមប្រភពពត័មានពីលោក ហ៊ាង ថារ៉េត អធិការរងខណ្ឌចំការមនបានបន្តទៀតថា កំលាំងរបស់លោកបានល្បាតក្នងមូលដ្ឋានដោយសង្ស័យក៏ធ្វើការឃាត់បានបុរសម្នាក់តាមផ្លូវហើយក៏ឆែកត្រួតពិនិត្យរកឃើញ ក្រាមសថ្លា១កញ្ចប់រួចឈានដល់ឆែកឆេរដល់បន្ទប់ជួលខាងលើក៏ធ្វើការឃាត់ខ្លួនបានជនសង្ស័យម្នាក់ទៀតជាបងប្រុសបង្កើតនិងឆែកឆេររកឃើញក្រាមសថ្លា១២កញ្ចប់តូចទៀតនិងជញ្ជឹងសំរាប់ថ្លឹងថ្នាំញ្ញៀនមួយទៀតផង។
បច្ចុប្បន្នជនសង្ស័យទាំង២នាក់រួមនឹងវត្ថុតាងនេះត្រូវបានកម្លាំងនគរបាលខណ្ឌចំការមន ឃុំខ្លួនបណ្ដោះអាសន្ននៅអធិការដ្ឋាននគរបាលចំការមនដើម្បីសួនាំចាត់ការតាមនីតិវិធី៕
ដោយៈ ស រស្មី
