សារព័ត៌មានជាតិកូរ៉េខាងជើង KCNA បានផ្សាយថា កូរ៉េខាងជើងត្រៀមប្រជុំសភាលើកទី១៣ ដែលចាប់ផ្តើមនៅថ្ងៃទី២៩ ខែមិថុនា ខាងមុខ។ សារព័ត៌មានកូរ៉េខាងត្បូងបានផ្សាយថា តាមរយៈកិច្ចប្រជុំនោះ គីម ជុងអ៊ុន នឹងបង្កើនអំណាចរបស់ខ្លួននៅក្នុងជួរដឹកនាំដោយតែងតែមន្ត្រីមានភាពស្មោះត្រង់បំផុតជាមួយលោក។
សារព័ត៌មាន រ៉យទ័រ បានផ្សាយថា នៅក្នុងកិច្ចប្រជុំសភាលើកនេះ កូរ៉េខាងជើងនិងអនុម័តមូលនិធិសម្រាប់ការពារជាតិ និងការសម្រេចគោលនយោបាយសំខាន់ៗមួយចំនួនទៀត។ ទទឹមនឹងនោះមេដឹកនាំ គីម ជុងអ៊ុន បោះឆ្នោតអនុម័តផ្លាសប្តូរថ្នាក់ដឹកនាំមួយចំនួន ។
ក្រៅពីនេះកូរ៉េខាងជើងនិងអនុម័តពង្រឹងសេដ្ឋកិច្ចនិងកម្មវិធីបរមាណូដែលជាកន្លឹះសំខាន់សម្រាប់ទប់ទល់និងសត្រូវ។
អាមេរិក កូរ៉េខាងត្បូង និងជប៉ុន បង្ហាញការព្រួយបារម្ភយ៉ាងខ្លាំងនៅពេលកូរ៉េខាងជើងប្រជុំសភាអាចនឹងមានការបាញ់បង្ញាញកាំជ្រួចមីស៊ីលដូចដែលប្រទេសនេះធ្វើឡើងសព្វដង។ ជាមួយគ្នានេះរដ្ឋាភិបាលជប៉ុនបានត្រៀមលក្ខណៈបាញ់ទម្លាក់កាំជ្រួចមីស៊ីលកូរ៉េខាងជើងដែលអាចហោះចូលក្នុងទឹកដីជប៉ុនដូចជាការបាញ់ពេលកន្លងមក ។ ទាំងនោះជាសកម្មភាពថ្មីរបស់ទីក្រុងតូក្យូ ក្រោយពេលកូរ៉េខាងជើងប្រកាសថានឹងបាញ់បង្ហោះផ្កាយរណបក្នុងអំឡុងពេលពីថ្ងៃទី៨ ដល់ថ្ងៃទី២៥ ខែកុម្ភៈ ឆ្នាំ២០១៦។
រដ្ឋមន្ដ្រីក្រសួងការពារជាតិជប៉ុន លោក Nakatani បានចេញបញ្ជាឲ្យកម្លាំងការពារដែនអាកាសជប៉ុនត្រៀមលក្ខណៈបាញ់ទមា្លក់កាំជ្រួចមីស៊ីរបស់កូរ៉េខាងជើងដែលអាចធ្លាក់ចូលមកក្នុងទឹកដីជប៉ុន ។
កម្លាំងការពារដែនអាកាសរបស់ជប៉ុនបានប្រកាសឲ្យដឹងថា បានបញ្ជូននាវាបំពាក់កាំជ្រួចមីស៊ីលប្រភេទ SM3 អាចបាញ់បានចម្ងាយ ១,២០០គីឡូម៉ែត្រ និងអាចបាញ់ទម្លាក់មីស៊ីលដែលហោះចូលលំហអាកាសស្ថិតនៅលើដែន អាកាសក្នុងដែនសមុទ្រជប៉ុន ។
ប្រសិនបើកាំជ្រួចមីស៊ីលវាយស្ទាក់រយៈចម្ងាយឆ្ងាយមិនអាចកម្ទេចគោលដៅបានជោគជ័យជប៉ុននឹងប្រើប្រាស់មីស៊ីល PAC3 វាយស្ទាក់ចុងក្រោយពេលធ្លាក់ជិតមកដល់ដី។ មីស៊ីល PAC3 បាញ់បានចម្ងាយក្រោម១០០គីឡូម៉ែត្រតែមានប្រព័ន្ធនាំផ្លូវទៅកម្ទេចមីស៊ីលរបស់សត្រូវ។ បច្ចុប្បន្នមីស៊ីលខាងលើបានដាក់ការពារទីក្រុងតូក្យូនិងកងពល២ទៀតដាក់នៅលើកោះអូគីណាវ៉ា ៕
ប្រែសម្រួល៖ សាធី
