ខេត្តរតនគិរី៖ គ្រោះថ្នាក់ចរាចរណ៍រវាងរថយន្តនឹងម៉ូតូបណ្តាលឲ្យជនរងគ្រោះ៣នាក់ឪពុកម្តាយនឹងកូនរងរបួសធ្ងន់ស្រាល ។
ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៩នឹង១០នាទីព្រឹកថ្ងៃទី១២ខែមិថុនាឆ្នាំ២០១៦ ស្ថិតនៅភូមិទេសអន្លុង សង្កាត់បឹងកន្សែង ក្រុងបានលុង ។
តាមប្រភពពីកន្លែងកើតហេតុបានឲ្យដឹងថា មុនពេលកើតហេតុគេឃើញរថយន្តម៉ាកតូយូតា(តាកូម៉ា)ពណ៍សំបកឪឡឹក អត់ស្លាកលេខមួយគ្រឿងបើកបរក្នុងទិសដៅពីលិចទៅកើតក្នុងល្បឿនយ៉ាងលឿន លុះមកដល់ចំណុចផ្លូវបែកជាបួនក៏បុកម៉ូតូយ៉ាងពេញទំហឹងតែម្តង ។
ប្រភពបន្តទៀតថា ជនរងគ្រោះជិះម៉ូតូម៉ាក ស៉ីរូស ពណ៍ក្រហម លាយខ្មៅពាក់ស្លាកលេខកំពងលចាម១I.០៤៦៣ ជិះក្នុងទិសដៅពីត្បូងមកដល់ត្រង់ចំណុចកើតហេតុខាងលើបានបត់ស្តាំដៃទៅខាងកើតស្របពេលរថយន្តមកដល់ក៏បុកយ៉ាងពេញទំហឹង។
ប្រភពពីសមត្ថកិច្ចនគរបាលចរាចរណ៍ផ្លូវគោកខេត្តបានឲ្យដឹងថា ជនរងគ្រោះមានឈ្មោះ លី ងាន ភេទប្រុស អាយុ៥២ឆ្នាំជនជាតិទំពួន (ជាប្តី)រងរបួសធ្ងន់
ប្រពន្ធឈ្មោះ លិប អឿន អាយុ៣២ឆ្នាំ ជនជាតិ ទំពួន របួសស្រាល។
ចំណែកកូនស្រីអាយុ៥ឆ្នាំមិនត្រូវបានស្គាល់ឈ្មោះ របួសស្រាល អ្នកទាំង៣មានទីលំនៅភូមិក្រូច ឃុំឯកភាព ស្រុកអូជុំ ខេត្តរតនគិរី ។
ក្រោយពីកើតហេតុសមត្ថកិច្ចនគរបាលចរាចរណ៍មកអន្តរាគមន៍នឹងវាស់វែងយកម៉ូតូនឹងរថយន្តទៅរក្សាទុកនៅការិយាល័យចរាចរណ៍ដើម្បីធ្វើការដោះស្រាយនៅពេលក្រោយ។
ចំណែកជនរងគ្រោះត្រូវបានរថយន្ត នគបាលចរាចរណ៍ដឹកបញ្ជូនទៅសង្គ្រោះនៅមន្ទីរពេទ្យបង្អែកខេត្ត។
ដោយៈ វុទ្ធឦសាន
