ភ្នំពេញ៖ សមត្ថកិច្ចនគរបាលប៉ុស្តិ៍ក្បាលកោះខណ្ឌច្បារអំពៅធ្វើការឃាត់ខ្លួនជនសង្ស័យ២នាក់ ពីបទជួញដូរដោយខុសច្បាប់នូវសារធាតុញៀន កាលពីវេលាម៉ោង១១ និង៣០នាទីយប់ថ្ងៃទី១៣ ខែមិថុនា ឆ្នាំ២០១៦ នៅចំណុចដីឡូត៍គ្មានលេខ ផ្លូវបេតុង ភូមិយកបាត្រ១ សង្កាត់ក្បាលកោះ ខណ្ឌច្បារអំពៅ ។

សមត្ថកិច្ចប្រាប់ថា ជនសង្ស័យទី១-ឈ្មោះសុខ វាសនា ភេទប្រុស អាយុ២៨ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅភូមិស្តៅកន្លែង ឃុំដីឥដ្ឋ ស្រុកកៀនស្វាយ ខេត្តកណ្តាល និងទី២-ឈ្មោះសុខ សុីដេនីន ភេទប្រុស អាយុ២០ឆ្នាំ ជនជាតិខ្មែរ មុខរបរបើកបររថយន្ត ស្នាក់នៅភូមិស្តៅកន្លែង ឃុំដីឥដ្ឋ ស្រុកកៀនស្វាយ ខេត្តកណ្តាល និងចាប់យកវត្ថុតាងរួមមាន៖ -ក្រាមពណ៌សថ្លា (សង្ស័យជាថ្នាំញៀន) ៥កញ្ចប់ (៤កញ្ចប់ថង់តូច និង១កញ្ចប់ថង់ធំល្មម) -ដែកកេះចំនួន៣ -ទូរសព្ទ័ដៃ១គ្រឿង -ម៉ូតូ១គ្រឿង ម៉ាកICon ពណ៌សលាយប្រផេះ ពាក់ស្លាកលេខ បន្ទាយមានជ័យ 1A-8784 ។

បច្ចុប្បន្នជនសង្ស័យរួមនិងវត្ថុតាងត្រូវបានឃុំខ្លួនបណ្តោះអាសន្ននៅអធិការដ្ឋាននគរបាលខណ្ឌច្បារអំពៅដើម្បីចាត់ការតាមនីតិវិធី ៕

ដោយ៖ សណ្តោស