ជាមួយនឹងបច្ចេកវិទ្យាទំនើបចិនបានផលិតសព្វាវុធទំនើបៗជាច្រើនដែលអាចទប់ទល់រាល់សព្វាវុធរបស់អាមេរិកនិងលោកខាងលិច ប៉ុន្ដែមានសព្វាវុធរបស់អាមេរិក៥ប្រភេទដែលចិនព្រួយបារម្ភយ៉ាងខ្លាំងដោយគ្មានវិធីសាស្ដ្រទប់ទល់នឹងអាវុធទាំងនោះ ។ អាវុធ ៥ប្រភេទនោះរួមមាននាវាផ្ទុកយន្ដហោះប្រភេទ Ford នាវាមុជទឹកប្រភេទ Verginia យន្ដហោះចម្បាំងបំបាំងកាយ F-22 និង F-35 យន្ដហោះទម្លាក់គ្រាប់ B-2 ។
សារព័ត៌មាន Want Daily របស់តៃវ៉ាន់ បានផ្សព្វផ្សាយពីអាវុធទំនើបរបស់អាមេរិក ៥ប្រភេទដែលធ្វើឲ្យចិនព្រួយបារម្ភ ។ សព្វាវុធទាំងនោះមិនអាចរកដៃគូប្រៀបប្រដូចបានឡើយ ហើយចិនក៏មិនមែនជាដៃគូនៃអាវុធទាំង៥ប្រភេទនោះដែរ ។ ចិនមិនមែនជាដៃគូអាមេរិកគឺជាការពិតដែលមានតាំងពីយូរលង់ណាស់មកហើយ ពិសេសតាំងពីសង្គ្រាមត្រជាក់ហើយ បើទោះបីពេលនេះចិនមានភាពរីកចម្រើនពីវិស័យយោធាក៏មិនអាចប្រដេញបច្ចេកវិទ្យាសព្វាវុធរបស់អាមេរិកបានឡើយ ។
នាវាផ្ទុកយន្ដហោះប្រភេទ Ford
នាវាផ្ទុកយន្ដហោះដើរដោយថាមពលបរមាណូប្រភេទ Ford ដែលជានាវាថ្មីបំផុតរបស់អាមេរិកនិងដាក់ឲ្យប្រើប្រាស់ នៅឆ្នាំ២០១៦ ។ នៅលើនាវានោះមានសព្វាវុធទំនើបៗបំផុតរបស់អាមេរិក ។ នៅលើនាវានោះមានប្រព័ន្ធបាញ់កាំជ្រួចមីស៊ីលដោយប្រព័ន្ធអេឡិចត្រូនិក ប្រព័ន្ធការពារដែនអាកាសចម្រុះ ។ បច្ចេកវិទ្យានៅលើនាវាផ្ទុកយន្ដហោះនោះចិនមិនអាចក្ដោបក្ដាប់បានឡើយ ។ លើសពីនេះទៅទៀតអាចទប់ទល់រាល់ការវាយប្រហាររបស់សត្រូវបានយ៉ាងខ្លាំងប្រសើរ។
យន្ដហោះចម្បាំងបំបាំងកាយ F-22 Raptor
យន្ដហោះចម្បាំងបំបាំងកាយ F-22 Raptor ជាយន្ដហោះជំនាន់ទី៥ ដែលមាន ភាពទំនើបបំផុតនៅលើពិភពលោកត្រូវ បានដាក់ឱ្យប្រើប្រាស់ ។ ចំណុចដែលចិនព្រួយបារម្ភលើយន្ដហោះខាងលើដោយសារតែចិនមិនទាន់មានយន្ដហោះចម្បាំងបំបាំងកាយ ។ យន្ដហោះប្រភេទនេះមានល្បឿនលឿននិងបំបាំងកាយពីប្រព័ន្ធរ៉ាដាសត្រូវបានយ៉ាងល្អ ។ លើសពីនេះទៅទៀតយន្ដហោះនោះអាចបើកគេចពីគ្រាប់មីស៊ីលប្រដេញបានយ៉ាងល្អទៀតផង ។
នាវាមុជទឹកប្រភេត Verginia
នាវាមុជទឹកប្រភេទនេះមានសមត្ថភាពនិងបទពិសោធខ្ពស់ក្នុងការធ្វើសង្គ្រាមនៅលើដែនទឹក ។ នាវានោះដើរដោយ ថាមពលបរមាណូ ដោយបំពាក់សព្វាវុធទំនើបៗក្នុងនោះមានកាំជ្រួចមីស៊ីលបំពាក់ក្បាលគ្រាប់បរមាណូអាចវាយ ប្រហារសត្រូវបានយ៉ាងល្អ ។ ចំណែកចិនបទពិសោធន៍ក្នុងការធ្វើសង្គ្រាមនៅលើដែនទឹកដូចជាគ្មានទាល់តែសោះ ហើយការប្រមាញ់នាវាមុជទឹករបស់ចិនក៏មិនទាន់មានភាពទំនើបអាចតាមប្រកៀកអាមេរិកនោះឡើយ ។
យន្ដហោះទម្លាក់គ្រាប់ B-2 Spirit
នៅពេលដែលមានសង្គ្រាមវាយប្រហារតាមដែនអាកាស យន្ដហោះទម្លាក់គ្រប់ B-2 របស់អាមេរិកអាចទម្លាក់គ្រាប់វាយលុកទៅលើគោលដៅបានយ៉ាងល្អប្រសើរ ។ យន្ដហោះនោះអាចបំពាក់គ្រាប់បែកនាំផ្លូវតាមផ្កាយរណបវាយប្រហាទៅលើគោលដៅដែលមានទម្ងន់រហូតដល់៤០តោន ។ យន្ដហោះទម្លាក់គ្រាប់នោះអាចវាយលុកនៅគ្រប់គោលដៅក្នុងទឹកដីចិន ដោយវាអាចហោះហើរបានរាប់ពាន់គីឡូម៉ែត្រ។ យន្ដហោះទម្លាក់គ្រាប់ B-2 គឺមានសមត្ថ ភាពបំបាំងកាយពីប្រព័ន្ធរ៉ាដារបស់សត្រូវថែមទៀតផង ។
យន្ដហោះចម្បាំង F-35 Lightning II
យន្ដហោះចម្បាំងប្រភេទនេះមានភាពទំនើបពីប្រព័ន្ធបំបាំងកាយ ដូច្នេះចិនត្រូវខិតខំថែមទៀតដើម្បីតាមឲ្យទាន់បច្ចេកវិទ្យាប្រភេទយន្ដហោះនោះ ។ F-35 មានតម្លៃថ្លៃ ប៉ុន្ដែសមត្ថភាពបំបាំងកាយក៏ដូចជាកម្លាំងអាកាសយានិក ដែលប្រើប្រាស់យន្ដហោះប្រភេទនេះសុទ្ធសឹងតែជាអ្នកមានទេពកោសល្យខ្ពស់ ។ ពេលនេះមិនទាន់មានយន្ដហោះ ចម្បាំងប្រទេសណាមួយប្រៀបប្រដូចនឹងយន្ដហោះខាងលើបានឡើយ ។
ជាមួយនឹងសព្វាវុធទំនើបៗខាងលើរបស់អាមេរិកមិនថាឡើយចិន សូម្បីតែប្រទេសដែលមានវិស័យឧស្សាហកម្ម សព្វាវុធខ្ពស់ដូចជារុស្ស៊ី ក៏ត្រូវស្ញប់ស្ញែងភ័យខ្លាចផងដែរ ។ មូលហេតុដែលអាមេរិកអភិវឌ្ឍវិស័យយោធាសព្វាវុធ ដែលមានបច្ចេកវិទ្យាខ្ពស់ដែលប្រទេសទាំងឡាយមិនអាចតាមទាន់ដោយសារតែអាមេរិកបានចំណាយប្រាក់សម្រាប់ ការពារជាតិច្រើនមហាសាលគឺច្រើនជាងប្រទេសចំនួន១០បូកបញ្ចូលគ្នាក្នុងនោះមានទាំងចិន រុស្ស៊ី ជប៉ុន ក៏មិនស្មើ នឹងអាមេរិកដែរ ៕
ប្រែសម្រួល៖ សាធី
