ភ្នំពេញ ៖ នៅក្នុងសង្កថាកាលពី រសៀលថ្ងៃទី២៧ ខែកក្កដា ឆ្នាំ២០១៥ សម្ដេចអគ្គមហាសេនាបតីតេជោ ហ៊ុន សែន បានស្នើដល់អ្នកនយោបាយទាំង អស់ជាពិសេសចំពោះសម្ដេចក្រុមព្រះ នរោត្ដម រណឫទ្ធិ សូមកុំយកព្រះមហា ក្សត្រមកលេងសើចដោយសារមហិច្ឆតា នយោបាយផ្ទាល់ខ្លួនអី ។ សម្ដេចតេជោ មានប្រសាសន៍ក្នុងព្រះរាជពិធីស្រោច ព្រះសុគន្ធវារីថ្វាយសម្ដេចព្រះមហា សុមេធាធិបតី គតិឧទ្ទេសបណ្ឌិត នន្ទ ង៉ែត ព្រះសង្ឃនាយកនៃព្រះរាជាណាចក្រ កម្ពុជាថា “ខ្ញុំសុំអង្វរកសូមមេត្ដាកុំយក ព្រះមហាក្សត្រមកលេងសើចមិនថា រាស្ដ្រ មិនថារាជវង្សទេ សូមមេត្ដាកុំយក ព្រះមហាក្សត្រយកមកធ្វើជាល្បែងលេងសើចតាមរយៈព័ត៌មានមិនគ្រប់ជ្រុង ជ្រោយហើយបែរជាយករឿងទាំងអស់ នេះមកធ្វើជាល្បែងលេងសើចនៅក្នុង បញ្ហាជាតិរបស់យើងដែលជាការទាញ ទម្លាក់ព្រះមហាក្សត្រឱ្យអាប់ឱនព្រះរាជកិត្ដិយសតាមរយៈនៃមហិច្ឆតានយោ បាយផ្ទាល់ខ្លួន” ។
សម្ដេចតេជោមានប្រសាសន៍បន្ដថា “និយាយដោយត្រង់ទៅសម្ដេចក្រុមព្រះនរោត្ដម រណឫទ្ធិ ព្រះអង្គបានមានបន្ទូល ថាព្រះមហាក្សត្រមានព្រះរាជតម្រិះថា ព្រះមហាក្សត្រព្រះអង្គនឹងកោះប្រជុំមេ ដឹកនាំគណបក្សធំៗទាំង៣ចូលពិភាក្សា លើបញ្ហាព្រំដែន” ។ សម្ដេចតេជោបាន សុំអំពាវនាវចំពោះសម្ដេចក្រុមព្រះថា “រាជានិយមនេះជារបស់រួមរបស់ជាតិ មិនមែនជារបស់ព្រះអង្គនោះទេបាវចនាជាតិ សាសនា ព្រះមហាក្សត្រ ហើយក៏ សូមទូលទៅព្រះអង្គវិញបើព្រះអង្គធ្វើតែ អ៊ី ចឹងអស់ឥទ្ធិពលហើយ ។ ខ្ញុំនិយាយនេះ ក្នុងនាមជាអ្នកស្រឡាញ់ទេ ព្រោះព្រះអង្គ ធ្វើនយោបាយតាំងពីមានកៅអីរហូត ដល់គ្មានកៅអីសោះ ។ ពីមុនតាមស៊ី កេរសម្ដេចព្រះវររាជបិតាឥឡូវចង់មកស៊ីកេរព្រះអនុជយ៉ាងម៉េចសុំប៉ុណ្ណឹងបាន ទេឱ្យចេះឈរលើខ្លួនឯងបានទេ”។
សម្ដេចតេជោថ្លែងថា “ខ្ញុំបានស្គាល់ ព្រះមហាក្សត្រជាទីសក្ការៈរបស់យើង បម្រើព្រះអង្គដង្ហែតាមព្រះអង្គ១១ឆ្នាំ ហើយគិតមកដល់ពេលនេះ ហេតុអ្វីបាន ជាយកបញ្ហាហ្នឹងលេងសើចជាមួយបញ្ហា ព្រំដែនរបស់ប្រទេសជាតិហើយៗមក យកព្រះមហាក្សត្រមកលេងសើចទៀត ជារឿងមិនសាមញ្ញហើយកាន់តែជារឿងមិនធម្មតាជាមួយហ្នឹងយុវជនទៀត ។ រឿងនេះជារឿងជាតិ សូមកុំយកព្រះមហា ក្សត្រមកប្រឡាក់ប្រឡូស ។ ខ្ញុំនិយាយ នេះដើម្បីមនុស្សមួយចំនួនមិនបាន មើលទូរទស្សន៍មិនបានមើលសេចក្ដីថ្លែងការណ៍ហើយភាន់ច្រឡំចំពោះព្រះរាជ កាយវិការរបស់ព្រះមហាក្សត្រជាទី សក្ការៈរបស់យើងបានជាខ្ញុំត្រូវជូនសារ នេះមួយឱ្យស្ដាប់សម្រាប់ប្រទេសយើង ទាំងមូល ។ ជាមួយនឹងការការពាររាជា និយមការពាររាជបល្ល័ង្កការពារព្រះមហា ក្សត្រ ទើបខ្ញុំនិយាយបញ្ហានេះ ។ ខ្ញុំខូច ភ្នែកម្ខាងដោយសារតែរាជានិយមដោយ សារតែរាជបល្ល័ង្គដោយសារតែព្រះមហា ក្សត្រ ។ សម្ដេចតេជោបានបញ្ជាក់ថា បើព្រះករុណាព្រះមហាក្សត្រត្រូវការទោះ ជាម៉ោង២ម៉ោង៣យប់ក្នុងឋានៈខ្ញុំជា នាយករដ្ឋមន្ដ្រីអមដោយឧបនាយករដ្ឋ មន្ដ្រីហើយបើព្រះអង្គសព្វព្រះរាជហឫទ័យ កោះហៅប្រធានព្រឹទ្ធសភា ប្រធានរដ្ឋ សភាទៅចូលគាល់ទាំងយប់គឺត្រូវចូល គាល់ទាំងយប់ ឯរឿងឱ្យព្រះអង្គហៅ ប្រធានបក្សនយោបាយនានាចូលទៅដោះស្រាយបញ្ហាគឺអត់ទេ ។ ខ្ញុំស្គាល់ខ្លាំង ណាស់នូវព្រះរាជកាយវិការរបស់ព្រះ មហាក្សត្រជាទីសក្ការៈអ៊ីុចឹងខ្ញុំត្រូវការ ពារបើទោះបីជាសម្ដេចក្រុមព្រះជាព្រះ រៀមរបស់ព្រះមហាក្សត្រក៏ដោយចុះ” ។
សម្ដេចក្រុមព្រះ នរោត្ដម រណឫទ្ធិ ប្រធានឧត្ដមប្រឹក្សាផ្ទាល់របស់ព្រះមហាក្សត្រនិងជាប្រធានគណបក្សហ្វ៊ុនស៊ិន ប៉ិចបានប្រាប់ក្រុមអ្នកកាសែតកាលពី ព្រឹកថ្ងៃទី២៥ ខែកក្កដា ឆ្នាំ២០១៥ ថា ព្រះអង្គឮថាព្រះករុណា ព្រះមហាក្សត្រ គ្រោងនឹងកោះអញ្ជើញមេដឹកនាំគណ បក្សធំៗ៣មកពិភាក្សាពីបញ្ហាព្រំដែន ព្រោះបញ្ហាព្រំដែនសព្វថ្ងៃកំពុងតែត្រូវ បានគេលើកឡើងពាក់ព័ន្ធនឹងការបោះ បង្គោលព្រំដែនកម្ពុជា និងវៀតណាម។
នៅក្នុងសេចក្ដីបដិសេធចុះថ្ងៃទី២៧ ខែកក្កដា ឆ្នាំ២០១៥ ក្រសួងព្រះបរមរាជ វាំងបានបង្ហាញថា ព្រះករុណាព្រះមហា ក្សត្រនៃព្រះរាជាណាចក្រកម្ពុជាជាទី គោរពសក្ការៈដ៏ខ្ពង់ខ្ពស់បំផុតព្រះអង្គពុំ មានព្រះរាជតម្រិះឬព្រះរាជឱង្ការឬមានផែនការកោះហៅមេដឹកនាំគណបក្សធំៗ ទាំង៣មកពិភាក្សាអំពីបញ្ហាព្រំដែន ឡើយ ។ បើមានកិច្ចពិភាក្សាអំពីបញ្ហា សំខាន់ៗទាក់ទងនឹងប្រទេសជាតិនោះព្រះករុណានៃព្រះរាជាណាចក្រកម្ពុជាជាទី គោរពសក្ការៈដ៏ខ្ពង់ខ្ពស់បំផុតព្រះអង្គនឹងពិគ្រោះយោបល់ជាមួយសម្ដេចអគ្គ មហាសេនាបតីតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា ក្នុងនាមថ្នាក់ដឹកនាំកំពូលនៃស្ថាប័ននីតិ ប្រតិបត្ដិហើយព្រះអង្គក៏មិនមានទម្លាប់ពិគ្រោះជាមួយគណបក្សនយោបាយ ឡើយ ៕ ហេង សូរិយា
