ខេត្តកោះកុង៖ នៅព្រឹកថ្ងៃទី១៩ មិថុនានេះ សម្តេចតេជោ ហ៊ុន សែន បានថ្លែងនៅក្នុងហ្វេសប៊ុកដូច្នេះថា ខ្ញុំសប្បាយរីករាយណាស់ ដែល

បានចុះមកសួរសុខទុក្ខបងប្អូនប្រជាពលរដ្ឋ និងអាជីវករក្នុងផ្សារភូមិថ្មី ដែលស្ថិតនៅក្នុង ភូមិ ចាំយាម ឃុំបាក់ខ្លង ស្រុកមណ្ឌលសីម៉ា ខេត្តកោះកុង ព្រមទាំងបានថតរូប Selfie ជាអនុស្សាវរីយ៌យ៉ាងសប្បាយរីករាយជាមួយពួកគាត់ទៀតផង។

សម្តេចតេជោបន្តថា ខេត្តកោះកុងដែលខ្ញុំធ្លាប់មកនាទសវត្ស១៩៨០ និងមកជាបន្តបន្ទាប់ គឺខុសគ្នាឆ្ងាយណាស់ទាំងសន្តិភាពអត់សង្គ្រាមទាំងផ្លូវសា្ពន សាលារៀន មន្ទីរពេទ្យ ជីវភាពនៃគ្រួសារនិមួយៗ និងមូលដ្ឋានផលិតកម្ម ជារោងចក្រសហគ្រាស និង ផ្សារលក់ដូរ។ល។

សម្តេចតេជោបន្តទៀតថា ខ្ញុំត្រេកអរដែលបានឃើញបងបង្អូនខិតខំប្រឹងប្រែងមានមុខរបរចិញ្ចឹមជីវិតកាន់តែធូរធារប្រសើរឡើង។

សូមជូនពរបងប្អូនជនរួមជាតិជួបតែសេចក្តីសុខនិងសំណាងល្អ៕

ដោយ៖ សុវណ្ណារ៉ា