អឺរ៉ុបបានរិតបន្តឹងសន្តិសុខយ៉ាងខ្លាំងមិនធ្លាប់មានក្រោយពេលមានជនភៀសខ្លួនជាច្រើនបានចូលទៅកាន់អឺរ៉ុប
អ្នកទស្សន៍ទាយពិការភ្នែកទាំង២លោក យាយ Vanga បានព្រមានពីការឈ្លានពាន់នៅតំបន់អឺរ៉ុបពីក្រុមអ៊ិស្លាមជ្រុលនិយមនៅឆ្នាំ២០១៦ ។ ការទស្សន៍ទាយនេះបានធ្វើឲ្យគេនឹកឃើញដល់ជនអន្ដោប្រវេសន៍រាប់សែននាក់ចូលទៅកាន់តំបន់អឺរ៉ុប ដោយក្នុងនោះមានក្រុមអ៊ិស្លាមជ្រុលនិយមបង្កប់ខ្លួនដើម្បីវាយប្រហារបង្កអុកឡុកនៅតំបន់អឺរ៉ុប។
គ្រូទាយជនជាតិប៊ុលហ្គារីបានទទួលមរណភាពនៅឆ្នាំ១៩៩៦ ក្នុងអាយុ៨៥ ឆ្នាំ ។ លោកយាយកាន់តែល្បីល្បាញពី ការទស្សន៍ទាយជោគវាសនាពិភពលោកស្ទើរតែត្រូវ ១០០ភាគរយ ពិសេសព្រឹត្ដិការណ៍វាយប្រហារភេរវកម្មនៅថ្ងៃទី១១ ខែកញ្ញា ឆ្នាំ២០០១ នៅអាមេរិក និងរលកយក្សស៊ូណាមិកាលពីឆ្នាំ២០០៤ ។ លោកយាយក៏បានទស្សន៍ទាយពីការធំធាត់របស់ក្រុមអ៊ិស្លាមបង្កើតរដ្ឋ IS ផងដែរ ។ តាមការទស្សន៍ទាយនៅឆ្នាំ២០៤៣ ក្រុមអ៊ិស្លាមបង្កើតរដ្ឋនឹងបានសម្រេចគោលដៅក្នុងការបង្កើតអាណាចក្រអ៊ិស្លាមដោយយកទីក្រុងរ៉ូមធ្វើជារដ្ឋធានី ។
លោកយាយបានទស្សន៍ទាយពីព្រឹត្ដិការពិភពលោកទុកមុនក្នុងនោះមានទាំងសង្គ្រាមសាសនា និងសង្គ្រាមលោក លើកទី៣ទៀតផង ។ ការទស្សន៍ទាយត្រូវដល់ទៅ៨៥ភាគរយធ្វើឲ្យមនុស្សជាច្រើនព្រួយបារម្ភពីវាសនាអនាគតកូន ចៅជំនាន់ក្រោយ ។ លោកយាយបានព្យាករណ៍ថា អឺរ៉ុបនឹងមិនស្ថិតស្ថេរនោះឡើយនៅចុងឆ្នាំ២០១៦ ហើយទ្វីបអឺរ៉ុប ទាំងមូលនឹងក្លាយទៅជាវាលរហោស្ថាន ។
តាមការទស្សន៍ទាយរបស់គ្រូទាយពីជោគវាសនារបស់ពិភពលោកជនជាតិបារាំងលោក Nostradamus ឮលោក យាយ Vanga ជនជាតិប៊ុលហ្គារីពិការភ្នែកទាំងសងខាងបានទស្សន៍ទាយថាឆ្នាំ២០១៥ ជាឆ្នាំដែលពោរពេញទៅដោយគ្រោះមហន្ដរាយសោកនាដកម្មជាច្រើនបានកើតឡើង ។
ក្រុមអ្នកវិទ្យាសាស្ដ្របានវិភាគជុំវិញការទស្សន៍ទាយពីអនាគតរបស់គ្រូទាយ Nostradamus តាំងពីឆ្នាំ១៥០៣-១៥៦៦ ដោយពេលនោះបានទស្សន៍ទាយថា នៅឆ្នាំ២០១៥ ពិភពលោកនឹងប្រឈមគ្រោះមហន្ដរាយផ្សេងៗជាច្រើន ។ តាមការទស្សន៍ទាយឆ្នាំ២០១៥ នឹងមានការធ្វើឃាតមេដឹកនាំ៤ប្រទេសដែលមានអំណាចបំផុតលើពិភពលោក ប៉ុន្ដែមិនបានបញ្ជាក់ថា មេដឹកនាំក្នុងប្រទេសណាមួយនោះទេ ។ គ្រូទាយ Nostradamus បានទស្សន៍ទាយទៀតថា អាល្លឺម៉ង់ និងបារាំងត្រូវប្រឈមនឹងវិបត្ដិសេដ្ឋកិច្ចទ្រង់ទ្រាយធំបំផុតកើតឡើងនៅឆ្នាំនេះ ។
គ្រូទាយ Nostradamus បានទស្សន៍ទាយថា ភ្នំភ្លើង Vesuvius ក្នុងប្រទេសអ៊ីតាលីនឹងផ្ទុះឡើងព្រួសកម្អែទ្រង់ទ្រាយធំបំផុតនៅឆ្នាំ២០១៦ បង្កឲ្យមានសោកនាដកម្មកើតឡើង ។ ការព្រួសកម្អែនៅពេលខាងមុខនឹងក្លាយជាទ្រង់ទ្រាយធំបំផុតមិនធ្លាប់មានចាប់តាំងពីឆ្នាំ៦៣១ ។ តាមការទស្សន៍ទាយនៅមុនភ្នំភ្លើងព្រួសកម្អែកើតមានការរញ្ជួយដីអូសបន្លាយពី ៦-១០នាទីក្រោយមកកម្អែភ្នំភ្លើងនឹងហូរចុះពីកំពូលភ្នំដូចជាទឹកជ្រោះអាចសម្លាប់មនុស្សពី ៦ពាន់ដល់១៦ពាន់នាក់ ។
គ្រូទាយ Nostradamus បានបញ្ជាក់ទៀតថា នៅឆ្នាំ២០១៥ ជាឆ្នាំផ្ទុះសង្គ្រាមសាសនារវាងសាសនាគ្រិស្តនឹងសាស នាអ៊ិស្លាមបានជំរុញឲ្យមនុស្សជាតិឆ្ពោះទៅរកមាត់រណ្ដៅសង្គ្រាមលោកជាថ្មី ។ តាមការទស្សន៍ទាយរបស់លោកនៅឆ្នាំ២០១៥ អ្នកដែលស្លាប់អាចរស់ឡើងវិញ។ នៅក្នុងសៀវភៅដែលលោកបានសរសេរនៅពេលនេះឋាននរកពុំមានបន្ទប់ទំនេរសម្រាប់ទទួលវិញ្ញាណខ្មោចទៀតឡើយ ហើយត្រូវឲ្យព្រលឹងខ្មោចនោះមកចូលខ្លួនប្រាណវិញ ។ ពេលនោះមនុស្សអាចរស់នៅបានយូរអាចមានអាយុដល់២០០ឆ្នាំ ៕
ប្រែសម្រួល៖ សាធី
